14 شىلدە, 13:17 2687 0 جاڭالىقتار اسىل تۇمار

قاشىقتان ساباق بەرەتىن مۇعالىمدەر ارنايى كۋرستان وتەدى

سىنىپتا ساباق بەرۋ مەن قاشىقتان ساباق بەرۋدىڭ ايىرماشىلىعى وتە كوپ.

ورتالىق كوممۋنيكاتسيالار قىزمەتىندە ونلاين وتكەن بريفينگتە قر ءبىلىم جانە عىلىم ءمينيسترى اسحات ايماعامبەتوۆ: «قاشىقتان وقىتۋ فورماتىندا پەداگوگتارعا قويىلاتىن بىرقاتار تالاپ بار. بىرىنشىدەن، ءىت تەحنولوگياسى بويىنشا تالاپ. ولار ءىت تەحنولوگياسى، ينتەرنەت پلاتفورماسى، ينتەرنەت جۇيەسىمەن جۇمىس ىستەي ءبىلۋى كەرەك. ءبىز دايىنداعان بىلىكتىلىكتى ارتتىرۋ كۋرستارىندا مۇعالىمدەرگە وسىمەن جۇمىس ىستەۋگە ۇيرەتەمىز»، – دەدى.

مينيستر ەكىنشى ماسەلە ساباق بەرۋ ادىستەمەسى، كيبەرپەداگوگيكا، بالالاردىڭ وقۋ ۇلگەرىمىن قالاي باعالاۋ كەرەكتىگى جانە ساباقتى قالاي بەرۋ كەرەكتىگى تۋرالى ەكەنىن ايتتى.

«سىنىپتا ساباق بەرۋ مەن قاشىقتان ساباق بەرۋدىڭ ايىرماشىلىعى وتە كوپ. وقۋ ادىستەمەسى تۇرعىسىنان قاراعاندا بۇل وتە ماڭىزدى پروتسەسس، سول سەبەپتى الدىمىزدا ارىپتەستەرىمىزدىڭ كاسىبي بىلىكتىلىگىن ارتتىرۋ ماسەلەسى تۇر. 20 شىلدەدەن باستاپ مۇعالىمدەر ەڭبەك دەمالىسىنان جۇمىسقا شىعا باستايدى. سول كەزدە وسى كۋرستاردان وتەدى»، – دەيدى ول.

سوڭعى جاڭالىقتار