14 شىلدە, 10:56 1716 0 جاڭالىقتار اسىل تۇمار

42 500 تەڭگە: تولەم قالاي جۇزەگە اسىرىلادى

سۋرەت ينتەرنەتتەن الىندى
سۋرەت ينتەرنەتتەن الىندى

ۇكىمەت باسشىسى اسقار مامين اتاۋلى الەۋمەتتىك كومەكتى قولدا بار دەرەكتەر نەگىزىندە الدىن الا جۇرگىزۋدى تاپسىردى.

«مەملەكەت باسشىسىنىڭ تاپسىرماسى بويىنشا شەكتەۋ شارالارى كەزىندە تابىسىنان ايىرىلعان ازاماتتارعا ەڭ تومەنگى جالاقى مولشەرىندەگى 42 500 تەڭگەنى ءبىر ايعا تولەۋ بويىنشا شەشىم قابىلداپ وتىرمىز. تولەم كارانتين شارالارىنىڭ كۇشەيتىلۋىنە بايلانىستى جۇمىسى شەكتەلگەن جۇمىس بەرۋشىلەردىڭ، جەكە كاسىپكەرلەردىڭ جانە ءوزىن-ءوزى جۇمىسپەن قامتىعانداردىڭ ءوتىنىمى نەگىزىندە جۇرگىزىلەدى. ەڭبەك جانە حالىقتى الەۋمەتتىك قولداۋ مينيسترلىگى توتەنشە جاعداي كەزەڭىندەگىدەي ازاماتتاردىڭ جەكەلەگەن ساناتتارىنا ازىق-تۇلىك ونىمدەرى بويىنشا اقشالاي كومەك بەرۋدى جالعاستىرسىن. بۇل – 1 ميلليوننان استام ادام»، – دەدى ول.

«سونداي-اق كارانتين كەزىندە مۇمكىندىگى شەكتەۋلى ازاماتتاردىڭ مۇگەدەكتىگىن 3 ايعا اۆتوماتتى تۇردە ۇزارتۋدى تاپسىرامىن»، – دەدى اسقار مامين.

سوڭعى جاڭالىقتار