14 شىلدە, 08:16 386 0 جاڭالىقتار اسىل تۇمار

بۇگىن اۋا رايى قانداي بولادى – قازگيدرومەت

رەسپۋبليكانىڭ باسىم بولىگى ءالى دە انتيتسيكلونىڭ اسەرىندە بولعاندىقتان، 14 شىلدە كۇنى جاۋىن-شاشىنسىز، ىستىق اۋا رايى ساقتالادى.

ەلىمىزدىڭ تەك باتىسى مەن شىعىسىندا نايزاعاي، جاڭبىر كۇتىلەدى. كەي جەردە ەكپىندى جەل سوعادى. وڭتۇستىكتە جانە باتىستا شاڭدى داۋىل تۇرادى.

«قازگيدرومەت» رمك مالىمەتىنشە، جامبىل، تۇركىستان، قىزىلوردا، ماڭعىستاۋ وبلىستارىنىڭ كەي جەرىندە شاڭدى داۋىل كۇتىلەدى، جەل 15-20 م/س كۇشەيەدى.

اتىراۋ، باتىس قازاقستان وبلىستارىندا جەلدىڭ كۇشى 15-20 م/س ارتادى. اتىراۋ وبلىسىندا شاڭدى داۋىل تۇرادى.

قاراعاندى، شىعىس قازاقستان وبلىستارىندا، كۇندىز اقمولا، پاۆلودار، الماتى، اقتوبە، قوستاناي وبلىستارىنىڭ كەي جەرىندە جەل 15-20 م/س كۇشەيەدى.

كۇندىز قىزىلوردا وبلىسىندا، ماڭعىستاۋ، اقمولا، قوستاناي، سولتۇستىك قازاقستان وبلىستارىندا، قاراعاندى وبلىسىنىڭ وڭتۇستىگىندە قاتتى ىستىق كۇتىلەدى.

اتىراۋ، باتىس قازاقستان، اقتوبە وبلىستارىندا جانە وڭتۇستىكتە وتە قاتتى ىستىق كۇتىلەدى.

اتىراۋ وبلىسىندا، قىزىلوردا، قاراعاندى، تۇركىستان، جامبىل، الماتى وبلىستارىنىڭ كەي جەرىندە، اقتوبە، باتىس قازاقستان وبلىستارىنىڭ وڭتۇستىگىندە جوعارى ءورت قاۋپى ساقتالادى.

سوڭعى جاڭالىقتار