13 شىلدە, 20:07 390 0 ايماق انار لەپەسوۆا

جامبىل وبلىسىنا 98 ملن تەڭگەگە ءدارى-دارمەك جەتكىزىلدى

جامبىل وبلىسىندا كوروناۆيرۋس پەن پنەۆمونيانى ەمدەۋگە قولدانىلاتىن ءدارى-دارمەكتەردىڭ تاپشىلىعى ماسەلەسى شەشىلىپ جاتىر. وڭىرگە 9-11 شىلدە ارالىعىندا 98 ملن 383 مىڭ تەڭگەگە ءدارى-دارمەك پارتياسى جەتكىزىلگەن.

بۇل تۋرالى جامبىل وبلىسى اكىمدىگىنىڭ ءباسپاسوز قىزمەتى حابارلادى.

اكىمدىك اقپارىنشا، وبلىستىق دەنساۋلىق ساقتاۋ باسقارماسى "سك-فارماتسيا" جشس-ءنىڭ وڭىردەگى وكىلدىگىمەن بىرلەسىپ، جەتىسپەۋشىلىگى تۋىنداپ وتىرعان ءدارى-دارمەكتەر بويىنشا ءوتىنىم جىبەرگەن. ناتيجەسىندە، 9-11 شىلدە ارالىعىندا 98 ميلليون 383 مىڭ تەڭگەگە ءدارى-دارمەكتەردىڭ اۋقىمدى پارتياسى جەتكىزىلگەن. ولار پنەۆمونيا جانە COVID-19-دى ەمدەۋگە ارنالعان.

دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ اتاپ وتكەندەي، پرەپاراتتار وبلىستىق اۋرۋحانالارعا ۇلەستىرىلگەن. قازىرگى تاڭدا ءدارى-دارمەكتەر اۋداندىق مەديتسينالىق مەكەمەلەرگە جىبەرىلىپ جاتىر. جەتكىزىلگەن ءدارى-دارمەكتەردىڭ قاتارىندا انتيبيوتيكتەر (1300 امپۋلا), انتيكواگۋليانتتار (2585 امپۋلا), ۆيتاميندەر (45,170 امپۋلا), دەكسامەتازون (1850 امپۋلا) بار.

"بۇدان بولەك، بىرەر كۇندە ءدارى-دارمەكتەردىڭ جاڭا جەتكىزىلىمى كۇتىلىپ وتىرعانىن ايتقىم كەلەدى. ءبىز 700 ميلليون تەڭگەگە قوسىمشا ءوتىنىش جىبەردىك", - دەيدى مارات جۇمانقۇلوۆ.

ونىڭ ايتۋىنشا، ءدارى-دارمەكتەر دارىحانالارعا دا جەتكىزىلمەك. ء"ىرى ءدارى-دارمەك جەتكىزۋشىلەرىمەن تاۋارلاردى ۋاقتىلى جەتكىزىپ وتىرۋ بويىنشا كەلىسىمشارتتار جاسالعان. ماسەلەن، بۇگىندە ء"امىر جانە د" ءدارىحانالارىنا 100 ميلليون تەڭگەدەن استام قارجىعا ءدارى-دارمەكتەر اكەلىنگەن", - دەيدى جۇمانقۇلوۆ.

سوڭعى جاڭالىقتار