13 شىلدە, 17:53 2141 0 دەنساۋلىق انار لەپەسوۆا

وكپەسى زاقىمدانعان ناۋقاستارعا قىمىز بەن شۇبات ىشۋگە بولا ما – دارىگەر جاۋابى

الماتى قالاسىنىڭ شتاتتان تىس باس پۋلمونولوگى ساۋلە قاسەنوۆا وكپەسى زاقىمدالعان ناۋقاستارعا حالىق مەديتسيناسىنىڭ ماڭىزى تۋرالى ايتتى. 

ول كوروناۆيرۋستان وكپەسى زاقىمدالعان ناۋقاستاردى ەمدەۋدە ەڭ ماڭىزدىسى تىنىس ورگاندارىن وڭالتۋ ەكەنىن اتاپ ءوتتى. سول سەبەپتى دارىگەرلەر پاتسيەنتتەرگە تىنىس الۋ گيمناستيكاسىمەن اينالىسۋعا كەڭەس بەرەدى، دەپ حابارلايدى Sputnik قازاقستان.

"كۇنىنە ءۇش رەت 10-15 مينۋتتان قاراپايىم جاتتىعۋ جاساپ تۇرىڭىزدار. تەرەڭ دەم الىپ، دەمدى شىعارۋ وكپە جۇمىسىن جاقسارتادى", - دەدى پروفەسسور.

قاسەنوۆانىڭ ايتۋىنشا، تىنىس جاتتىعۋلارىنان بولەك، وڭالتۋ كەزەڭى كەزىندە حالىق مەديتسيناسىنىڭ دا ماڭىزى زور ءارى قولجەتىمدى.

ء"بىز ۇلتتىق سۋسىنىمىز – قىمىز بەن شۇباتتىڭ ەمدىك قاسيەتىن جاقسى بىلەمىز. ەگەر پاتسيەنتتە پانكرەاتيت نەمەسە اسقازان-ىشەك جولدارىنىڭ باسقا اۋرۋلارى بولماسا، ولاردى ىشە بەرۋگە بولادى. ويتكەنى ول دارۋمەندەر مەن ميكروەلەمەنتتەرگە وتە باي. كوروناۆيرۋس اعزاعا اۋىر سوققى بولعاندىقتان، قىمىز بەن شۇبات قايتا قالپىنا كەلۋگە كومەكتەسەدى", - دەدى پۋلمونولوگ.

سونىمەن قاتار، دارىگەر ءتۇرلى فيتوپرەپاراتتار مەن ءشوپ تۇنبالارىن قولدانۋعا كەڭەس بەردى.

 

سوڭعى جاڭالىقتار