13 شىلدە, 17:07 458 0 قوعام انار لەپەسوۆا

الماتى قالالىق سوتىنىڭ سۋدياسى قايتىس بولدى

الماتى قالالىق سوتىنىڭ سۋدياسى تۇرسىن ياسىنۇلى نابيەۆ قايتىس بولدى. بۇل تۋرالى قالالىق سوتتىڭ ءباسپاسوز حاتشىسى اباي جارىلقاسىن حابارلادى. 

مارقۇمنىڭ وتباسىنا الماتى قالالىق سوتى، سوتتار اكىمشىسى، الماتى قالالىق سۋديالار وداعىنىڭ فيليالى كوڭىل ايتتى.

نابيەۆ تۇرسىن ياسىنۇلى 1958 جىلى تۋعان. 1986 جىلى س.م.كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن.

1986 جىلى – تالدىقورعان وبلىستىق سوتىنىڭ سۋديالىققا تالىمگەرى;

1987 جىلى – الماتى وبلىسى گۆاردەي اۋداندىق سوتىنىڭ سۋدياسى، توراعاسى;

1993 جىلى – الماتى وبلىسى تەكەلى اۋداندىق سوتىنىڭ توراعاسى;

1998 جىلى – الماتى وبلىستىق سوتىنىڭ سۋدياسى قىزمەتىن اتقارعان.

2003 جىلدان باستاپ الماتى قالالىق سوتىنىڭ سۋدياسى.

مارقۇم قازاقستان حالىقتار اسسامبلەياسىنىڭ "بىرلىك" التىن مەدالىمەن، ءىى دارەجەلى "سوت جۇيەسىنىڭ ۇزدىگى", ءى دارەجەلى "سوت جۇيەسىنىڭ ۇزدىگى" ءتوس بەلگىلەرىمەن، قازاقستان رەسپۋبليكاسى سۋديالار وداعىنىڭ ء"ۇش بي" قۇرمەت بەلگىسىمەن ماراپاتتالعان.

ايتا كەتەيىك، قالالىق سوت بۇگىننەن باستاپ 14 شىلدەگە دەيىن سوت عيماراتى دەزينفەكتسيا جۇمىستارىنا جابىلدى. اتالعان كۇندەرگە بەلگىلەنگەن پروتسەستەر اۋىستىرىلادى.

سوڭعى جاڭالىقتار