13 شىلدە, 15:32 568 0 قوعام انار لەپەسوۆا

اياگوزدەگى بالالار ورتالىعىندا بالالار مەن قىزمەتكەرلەر جاپپاي كوروناۆيرۋس جۇقتىردى

سۋرەت الەۋمەتتىك جەلىدەن الىندى
سۋرەت الەۋمەتتىك جەلىدەن الىندى

اياگوزدە ارنايى الەۋمەتتىك قىزمەت كورسەتەتىن بالالار ورتالىعىندا شامامەن 40-قا جۋىق بالا مەن 22 قىزمەتكەر كوروناۆيرۋس جۇقتىردى.

بۇل تۋرالى ورتالىق ديرەكتورى شولپان مۇقاشەۆا جازدى، دەپ حابارلايدى zakon.kz.

ول ديرەكتور قىزمەتىنە جاقىندا عانا – 2020 جىلدىڭ 2 شىلدەسىندە كىرىسكەن.

شولپان مۇقاشەۆانىڭ سوزىنشە، 28 ماۋسىمدا مەكەمەنىڭ ەكى تاربيەلەنۋشىسى كوروناۆيرۋس جۇقتىرعانى انىقتالعان. بالالاردىڭ ءبىرى كانيكۋلدا ۇيىنە بارىپ قايتقان، ەكىنشىسى وسكەمەندەگى پسيحيكالىق ورتالىقتان كەلگەن. ولار اۋداندىق اۋرۋحاناعا جىبەرىلىپ، ەمدەلىپ شىققان. قازىر ورتالىقتىڭ وقشاۋلانعان جەكە بولمەسىندە ءجۇر.

2 شىلدەدەن باستاپ ورتالىقتا كارانتين كۇشەيتىلگەن، بارلىق بالالار مەن قىزمەتكەرلەر پتسر ادىسىمەن تەكسەرۋدەن وتكەن. تەكسەرۋ ناتيجەسىندە 35 تاربيەلەنۋشى مەن 22 قىزمەتكەردەن كوروناۆيرۋس تابىلدى. تاۋارلار مەن قىزمەتتەر ساپاسىن باقىلاۋ كوميتەتى قىزمەتكەرلەرىمەن بىرلەسىپ، ەپيدەميولوگيالىق تەكسەرۋ جۇرگىزىلۋدە، - دەپ جازدى شولپان مۇقاشەۆا instagram-دا.

سوڭعى جاڭالىقتار