13 شىلدە, 15:01 402 0 قوعام انار لەپەسوۆا

پرەمەر-مينيستر كوروناۆيرۋستان قايتىس بولعانداردىڭ وتباسىلارىنا كوڭىل ايتتى

قر پرەمەر-ءمينيسترى اسقار مامين كوروناۆيرۋس ينفەكتسياسىنان قايتىس بولعان قازاقستاندىقتاردىڭ وتباسىلارىنا كوڭىل ايتتى، دەپ حابارلايدى ۇكىمەتتىڭ رەسمي سايتى.

«وسىناۋ كۇردەلى كەزەڭدە قازاقستان كوروناۆيرۋس ىندەتىمەن كۇرەسۋدە. وكىنىشكە قاراي، قاۋىپتى ىندەتتىڭ سالدارىنان ءبىزدىڭ وتانداستارىمىز دا كوز جۇمۋدا. قايتىس بولعانداردىڭ تۋعان-تۋىستارى مەن جاقىندارىنا اسا قايعىرا وتىرىپ كوڭىل ايتامىن. مەملەكەت باسشىسىنىڭ شەشىمى بويىنشا 13 شىلدە COVID-19 ىندەتىنەن قايتىس بولعان قازاقستاندىقتاردى ەسكە الۋ ءۇشىن جالپىۇلتتىق ازا تۇتۋ كۇنى بولىپ جاريالاندى. قابىلدانىپ جاتقان شارالار حالقىمىزدىڭ تاباندىلىعى مەن ەرىك-جىگەرىن جانە ءوز كۇشىنە دەگەن سەنىمىن تاعى ءبىر كورسەتە وتىرىپ، بىزگە ىندەتتىڭ تارالۋىن توقتاتۋعا مۇمكىندىك بەرەتىنىنە سەنىمدىمىن»،-دەلىنگەن كوڭىل ايتۋ حابارلاماسىندا.

 

سوڭعى جاڭالىقتار