13 شىلدە, 13:20 488 0 ايماق انار لەپەسوۆا

قاراعاندى وبلىسىندا دۇلەي داۋىلدان 19 جاستاعى بويجەتكەن مەرت بولدى

قاراعاندى وبلىسىندا بولعان دۇلەي داۋىل ءبىر ادام ءومىرىن جالمادى.

19 جاستاعى بويجەتكەن جەل سوققان كەزدە وبلىس ورتالىعىنان 50 شاقىرىم قاشىقتىقتاعى توپار سۋ قويماسىندا ءجۇزىپ جۇرگەن. جەرگىلىكتى توتەنشە جاعدايلار دەپارتامەنتىنىڭ ماماندارى بىرنەشە ساعاتتان كەيىن مارقۇمنىڭ دەنەسىن سۋدان الىپ شىققان. تاعى ءبىر تۇرعىننىڭ ۇستىنەن شاتىردىڭ بولشەگى ءتۇسىپ، جاراقات الدى، دەپ حابارلايدى «حابار 24».

ەسكە سالا كەتەيىك، كەشە قاراعاندىدا كەنەتتەن داۋىل سوقتى. جەل جىلدامدىعى سەكۋندىنا 21 مەترگە جەتكەن. 16 عيماراتتىڭ شاتىرى ۇشتى. بىرنەشە اۋدان جارىقسىز قالدى. جەلدىڭ ەكپىنىنەن جول جيەگىندەگى تەرەكتەردى تامىرىمەن قوپارىلعان. قازىر ەلەكتر جارىعى قوسىلدى. كوممۋنالدىق قىزمەتتەر مەن اپاتتىق بريگادالار داۋىلدىڭ سالدارىن جويۋمەن اينالىسىپ جاتىر.

سوڭعى جاڭالىقتار