13 شىلدە, 12:25 493 0 دەنساۋلىق انار لەپەسوۆا

وتكەن تاۋلىكتە الەمدە كوروناۆيرۋس جۇقتىرۋدىڭ رەكوردتىق كورسەتكىشى تىركەلدى

سۋرەت ينتەرنەتتەن الىندى
سۋرەت ينتەرنەتتەن الىندى

دۇنيەجۇزىلىك دەنساۋلىق ساقتاۋ ۇيىمى وتكەن تاۋلىكتە الەم بويىنشا كوروناۆيرۋس جۇقتىرعانداردىڭ رەكوردتىق كورسەتكىشى تىركەلگەنىن حابارلادى.  

ۇيىم دەرەگىنشە، 12 شىلدە كۇنى الەمدە 230 370 ادامنان قاتەرلى ۆيرۋس انىقتالدى. ءبىر تاۋلىكتە ىندەتتەن 5 285 ادام كوز جۇمدى. الەمدە كوروناۆيرۋس جۇقتىرعانداردىڭ جالپى سانى 12 552 765 ادامعا جەتىپ وتىر. ولاردىڭ باسىم بولىگى (6,5 ملن-نان استام ادام) – سولتۇستىك جانە وڭتۇستىك امەريكا ەلدەرىنىڭ تۇرعىندارى.

ايتا كەتەيىك، بۇعان دەيىن برازيليادا سوڭعى تاۋلىكتە 39 مىڭ ادامنىڭ كوروناۆيرۋس جۇقتىرعانىن حابارلاعانبىز. ەلدە قاتەرلى ۆيرۋستى جۇقتىرعانداردىڭ جالپى سانى 1 ملن 800 مىڭعا جەتكەن. ىندەتتەن كوز جۇمعاندار سانى 71 مىڭنان اسىپ جىعىلدى.

ال قازاقستانداعى ەپيدەميولوگيالىق احۋالعا كەلسەك، ەلىمىزدە سوڭعى تاۋلىكتە 1646 ادامنان كوروناۆيرۋس انىقتالىپ, ىندەت جۇقتىرعانداردىڭ جالپى سانى 60 مىڭعا جۋىقتادى. ءبىر اپتا ىشىندە كەسىرلى كەسەلدەن 111 ناۋقاس كوز جۇمىپ، ىندەت قۇرباندارىنىڭ جالپى سانى 375-كە جەتتى.

سوڭعى جاڭالىقتار