13 شىلدە, 11:03 447 0 جاھان انار لەپەسوۆا

COVID-19: برازيليادا ىندەتتەن 71 مىڭنان اسا ادام كوز جۇمدى

برازيليادا سوڭعى تاۋلىكتە 39 مىڭ ادامنىڭ كوروناۆيرۋس جۇقتىرعانى بەلگىلى بولدى. بۇل تۋرالى ەلدىڭ دەنساۋلىق ساقتاۋ مينيسترلىگى حابارلادى.

مەملەكەتتە قاتەرلى ۆيرۋستى جۇقتىرعانداردىڭ جالپى سانى 1 ملن 800 مىڭعا جەتكەن. ىندەتتەن 1,1 ميلليوننان استام ناۋقاس ەمدەلىپ شىقسا، دەرتى اسقىنعان 71 مىڭ ادام قايتىس بولدى.

برازيليا كوروناۆيرۋستى جۇقتىرعاندار جانە COVID-19 قۇرباندارىنىڭ سانى بويىنشا الەمدە اقش-تان كەيىنگى ەكىنشى ورىندا.

دجونس حوپكينس ۋنيۆەرسيتەتىنىڭ سوڭعى دەرەگى بويىنشا، الەمدە كوروناۆيرۋسقا شالدىققاندار سانى 12,9 ملن ادامعا جەتەعابىل. ىندەتتەن 568 مىڭنان اسا ادام كوز جۇمدى.

ال ەلىمىزدەگى ەپيدەميولوگيالىق احۋالعا كەلسەك، سوڭعى تاۋلىكتە قازاقستاندا 1646 ادامنان كوروناۆيرۋس انىقتالىپ, ىندەتكە شالدىققانداردىڭ جالپى سانى 59 899-عا جەتتى. سوڭعى اپتادا كەسىرلى كەسەلدەن 111 ادامنىڭ كوز جۇمعانى بەلگىلى بولدى، وسىلايشا ەلىمىزدە ىندەت قۇرباندارىنىڭ جالپى سانى 375-كە جەتىپ وتىر.

سوڭعى جاڭالىقتار