13 شىلدە, 09:08 489 0 جاڭالىقتار انار لەپەسوۆا

ەلباسى كوروناۆيرۋستان قايتىس بولعانداردىڭ جاقىندارىنا كوڭىل ايتتى

قازاقستان رەسپۋبليكاسىنىڭ تۇڭعىش پرەزيدەنتى – ەلباسى كوروناۆيرۋس ىندەتىنەن قازا بولعانداردىڭ تۋىستارى مەن جاقىندارىنا كوڭىل ايتتى. 

"بۇگىندە قازاقستان بۇرىن-سوڭدى بولماعان كۇردەلى احۋالمەن بەتپە-بەت كەلىپ وتىر. قاۋىپتى ىندەت ءبىزدىڭ قالالارىمىز بەن اۋىلدارىمىزعا تاراپ، وكىنىشكە قاراي، ادام شىعىنى ورىن الىپ جاتىر.

مەملەكەت باسشىسىنىڭ شەشىمىمەن 13 شىلدە كوروناۆيرۋس ىندەتىنەن قايتىس بولعان ازاماتتاردى ەسكە الۋ ­– ۇلتتىق ازا تۇتۋ كۇنى بولىپ جاريالاندى.

الاپات دەرت ءبىزدىڭ ادامدارىمىزدىڭ ءومىرىن قيىپ اكەتۋدە. بۇل ءبارىمىزدىڭ قابىرعامىزدى قايىستىرىپ وتىر. ءاربىر كىسى ءولىمىنىڭ ارتىندا قارا جامىلعان ءبىراز ادامنىڭ ­– اكەلەر مەن انالاردىڭ، قىزدارىمىز بەن ۇلدارىمىزدىڭ، دوس-جاراندارىمىزدىڭ قايعى-قاسىرەتى تۇر.

مەزگىلسىز قازا بولعانداردىڭ تۋعان-تۋىستارى مەن جاقىندارىنا قايعىلارىنا ورتاقتاسىپ، كوڭىل ايتامىن.

ءبىز بەرەكە-بىرلىك پەن تۇتاستىقتىڭ ارقاسىندا تالاي سىناقتان سۇرىنبەي وتتىك. بۇل قيىندىقتى دا ەل بولىپ ەڭسەرەمىز دەپ سەنەمىن", - دەدى نۇرسۇلتان نازارباەۆ. 

سوڭعى جاڭالىقتار