13 شىلدە, 10:36 514 0 قوعام باقىتبەك قادىر

كامشات شينتەكوۆا: ومىردەن وتكەندەرى ەسكە الۋ ارقىلى ساباق الۋمىز قاجەت

كامشات شينتەكوۆا، زاڭگەر، «كەش» قۇقىق قورعاۋ ورتالىعىنىڭ ديرەكتورى:

– پرەزيدەنتىمىز قاسىم-جومارت كەمەلۇلى توقاەۆ ەلگە ۇندەۋ جاساپ حالىققا ۇلكەن كۇش-جىگەر، دەم بەردى. بۇل قازىرگى ۋاقىتتا ۇكىمەت تاراپىنان حالىققا جاقىندىعىن ايقىنداتىپ قانا قويماي، حالىق اراسىنداعى ۇرەيدى باستى. پرەزيدەنتىمىز ماڭىزدى ءدارى-دارمەك ماسەلەسىنىڭ شەشىلۋ جولدارىن، حالىقتىڭ دەنساۋلىعىن ساقتاۋ ءۇشىن قوسىمشا قوماقتى قاراجات بولگەنىن، ءارى 13 شىلدە ىندەتتەن قايتىس بولعان ادامداردى ەسكە الۋعا باعىتالعان ءىس شارالاردى اتاپ ءوتتى. ءبىز ومىردەن وتكەندەرى ەسكە الۋ ارقىلى، ساباق الامىز دەپ ولايمىن. سونىمەن قاتار ەلدىڭ دۇرلىگۋگە جانە ۋايىم قايعىعا سالىنباۋعا شاقىردى. ارينە، حالىق بولىپ وتكەندەگى قيسىنسىز وتشاشۋعا قاتىستى پرەزيدەنتىمىزدىڭ ويىن ءارى وتشاشۋعا جول بەرگەن ازاماتتاردىڭ جاۋاپكەرشىلىككە تارتۋ بويىنشا دا پىكىرىن كۇتتىم. كەشەگى بولىنگەن قاراجاتتىڭ قاتاڭ باقىلانىپ سارىپتالۋىن ءارى ادامداردىڭ ءومىرى ءۇشىن سوڭىنا دەيىن كۇرەسكەن ادامداردى امان الىپ قالۋدى مەديتسينا قىزمەتكەرلەرىنەن تالاپ ەتەتىن كەز كەلدى. ءبىزدىڭ مەديتسينا 21-عاسىردا باي-قۋاتتى بولۋعا بۇتكىل مۇمكىندىك بار ەكەنىن ۇمىتپايىق.

زاڭگەر رەتىندە ءدارى-دارمەكتى دەلدالدىقپەن قىمبات ساتقانداردىڭ الدىن الۋدى، پروۆوكاتسياعا جول بەرىلمەۋگە جانە ادام ومىرىنە قاۋىپتى ءتۇرلى قاۋەسەتتەر تاراتىپ ەل سەنىمىنە سەلكەۋ تۇسىرگەندەردى توقتاتۋ شارالارىن قالعا الۋى قاجەت ەكەنىن اتاپ وتكىم كەلەدى.

سوڭعى جاڭالىقتار