14 شىلدە, 20:53 583 0 اتاجۇرت باقىتبەك قادىر

قانداسىمىز "لاشىن" دارەجەسىن الدى

موڭعوليانىڭ ءتوۆ ايماعىندا ۇلى موڭعول ۇلىسىنىڭ 814 جىل جانە حالىق رەۆوليۋسياسىنا 99 جىل تولۋىنا وراي ۇلتتىق "ناادام" مەرەكەسىن تويلادى.  مەرەكەدە موڭعول ۇلتتىق كۇرەسىنەن 512 بالۋىن ءسۇش سىناستى. بۇل بالۋان  باسەكەسىنە بايا-ولكەدەگى قازاق بالۋاندارىن دا باعىن سىنادى. ايتۋلى دودادا دزيۋدو، قازاق كۇرەسى جانە موڭعول ۇلتتىق كۇرەسى تۇرلەرىنىڭ شەبەرى، قانداسىمىز مۇستافا نۇرلانۇلى بەس بالۋاننىڭ جاۋىرىنىن جەر يىسكەتىپ، مەملەكەتتىك "لاشىن" اتاندى.
لاشىن تەگەۋىرىندى ءارى كۇشتى قۇستىڭ ءبىرى. بەس جىققان بالۋان "لاشىن" بالۋان اتانسا، ال ودان ارى مەملەكەتتىك "قارشىعا", ء"پىل", "قىران،  "ارىستان" جانە جەڭىمپاز بالۋان اتاعى بەرىلەدى. 
موڭعول كۇرەسىنىڭ اتاق دارەجەلەرى اۋداندىق (سۋمىن), ايماقتىق، جانە مەملەكەتتىك دەڭگەيدە جوعارلاي بەرەدى. ول اتاق جىلىنا ءبىر رەت تويلاناتىن "ناادام" مەرەكەسىندە عانا بەرىلەدى. ("قازاقستان بارىسى" تۋرنيەرى سياقتى.)
مەملەكەتتىك اتاق الۋ ءۇشىن بەس رەت جىعۋ كەرەك. الدىمەن مەملەكەتتىك اتاقتارعا جەتۋ ءۇشىن ۇلتتىق كۇرەستە ايماقتىق، اۋداندىق تويلاردا جەڭىپ، وسى دارەجەلەردى الۋ كەرەك. بۇل كۇرەس ۇلى موڭعول ۇلىسى ياعني شىڭعىس حان زامانىندا قالىپتاسقان. ات ويىنى، سوعىس ونەرى جانە بالۋاندار كۇن سىنادى. بۇل سالتتى قازىرگى موڭعوليا ەلى ۇزبەي جالعاستىرىپ كەلەدى. 
 
موڭعوليانىڭ باي-ولكە ايماعىنان قازاقستان جانە موڭعوليانىڭ سپورت قايراتكەرى، مەملەكەتتىك قارشىعا، داڭقتى بولۋان باقىت ودىنايۇلىنان كەيىن سەرىك بەردىمۇراتۇلى جانە مۇستافا نۇرلانۇلى قاتارلى بالۋاندار موڭعول ۇلتتىق كۇرەسىندە ۇلكەن دارەجەگە قول جەتكىزىپ وتىر. موڭعوليادا مەملەكەتتىك دارەجەدە اتاق الۋ - وليمپيادا جۇلدەگەرى بولۋمەن بارا-بار. جانە ول بالۋاندار سول دارەجەسىنە ساي زەينەتكە شىعادى. 

سوڭعى جاڭالىقتار