13 شىلدە, 08:02 461 0 جاڭالىقتار انار لەپەسوۆا

بۇگىن – ەلىمىزدە جالپىۇلتتىق ازا تۇتۋ كۇنى

بۇگىن – قازاقستاندا جالپىۇلتتىق ازا تۇتۋ كۇنى. وسىعان وراي مەملەكەتتىك ورگاندار مەن جەرگىلىكتى ءوزىن-ءوزى باسقارۋ ورگاندارى، شەكارالىق ديپلوماتيالىق مەكەمەلەر عيماراتىنداعى مەملەكەتتىك تۋ تومەن تۇسىرىلەدى.

نۇر-سۇلتان ۋاقىتى بويىنشا ساعات 12:00-دە كوروناۆيرۋس ىندەتىنەن قايتىس بولعان ازاماتتاردى ەسكە الۋ ءۇشىن ءبىر مينۋتتىق ۇنسىزدىك جاريالانادى.

ەسكە سالا كەتەيىك، بۇعان دەيىن قازاقستان پرەزيدەنتى 13 شىلدەنى كوروناۆيرۋس اۋرۋىنان قايتىس بولعاندار ءۇشىن ۇلتتىق ازا كۇتۋ كۇنى دەپ جاريالاعان بولاتىن.

"مىناۋ الاپات ىندەت ارامىزدان تالاي اسىلدارىمىزدى جۇلىپ اكەتۋدە. بۇگىندە قارا جامىلىپ وتىرعان ازاماتتاردىڭ قايعىسىنا ورتاقتاسىپ، كوڭىل ايتامىن. سول ءۇشىن 13 شىلدەنى ۇلتتىق ازا تۇتۋ كۇنى دەپ جاريالايمىن", – دەدى قاسىم-جومارت توقاەۆ.

سوڭعى جاڭالىقتار