12 شىلدە, 18:46 800 0 قوعام انار لەپەسوۆا

قازاقستاندا قىلمىس دەڭگەيى 37 پايىزعا تومەندەدى

قازاقستاندا جارتى جىلدىڭ ىشىندە قىلمىس 37%-عا تومەندەدى. بۇل تۋرالى ىشكى ىستەر ءمينيسترى ەرلان تۇرعىمباەۆ ءمالىم ەتتى، دەپ حابارلايدى  Polisia.kz.

ىشكى ىستەر ورگاندارى كارانتين شارالارىن قامتاماسىز ەتۋدەن بولەك، ءوزىنىڭ نەگىزگى قىزمەتىن – ازاماتتاردىڭ قاۋىپسىزدىگىن قامتاماسىز ەتىپ، قىلمىسپەن كۇرەسىپ جاتىر.

«ءبىرىنشى جارتى جىلدى قورىتىندىلايتىن بولساق، كوپتەگەن باعىت بويىنشا ءتارتىپتى كۇزەتۋ شارالارىن كۇشەيتۋدىڭ ارقاسىندا ەلدەگى قىلمىس جاعدايىن ايتارلىقتاي جاقسارتتىق. قوعامدىق ورىندار مەن كوشەلەردەگى قىلمىس سانى 40 %-عا تومەندەدى»، - دەپ اتاپ ءوتتى ءىىم باسشىسى.

ەلدەگى جالپى قىلمىس دەڭگەيى 37%-عا تومەندەگەن (114,6 مىڭنان 71,8 مىڭعا دەيىن). سونداي-اق، توناۋ، ۇرلىق جاساۋ جانە بۇزاقىلىق سىندى قاۋىپتى قىلمىستار ەكى ەسەگە ازايعان. كامەلەتتىك جاسقا تولماعانداردىڭ ءتارتىپ بۇزۋى دا 13%-عا قىسقارعان.

«وتباسى-تۇرمىستىق قۇقىق بۇزۋشىلىق سانى 21%-عا ءوستى. وسىعان بايلانىستى پوليتسيا پروفيلاكتيكالىق شارالار قولدانادى»، - دەپ اتاپ ءوتتى تۇرعىمباەۆ.

 

سوڭعى جاڭالىقتار