12 شىلدە, 12:57 702 0 دەنساۋلىق انار لەپەسوۆا

بولات توكەجانوۆ ءمامس قورىنىڭ باسشىسى بولىپ تاعايىندالدى

بولات توكەجانوۆ مەديتسينالىق ساقتاندىرۋ قورىنىڭ باسشىسى بولىپ تاعايىندالدى.

بۇل تۋرالى قر دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.

بولات تۇرعانۇلى توكەجانوۆ قر دەنساۋلىق ساقتاۋ ءمينيسترىنىڭ بۇيرىعىمەن «الەۋمەتتىك مەديتسينالىق ساقتاندىرۋ قورى» كەاق باسقارما توراعاسى بولىپ تاعايىندالدى. بۇگىن دەنساۋلىق ساقتاۋ ءمينيسترى الەكسەي تسوي بولات توكەجانوۆتى قور ۇجىمىنا تانىستىردى.

«بولات تۇرعانۇلى دەنساۋلىق ساقتاۋ جۇيەسىندە تاجىريبەسى مول، سالاداعى ەڭ ماڭىزدى رەفورمالاردى جۇزەگە اسىرۋعا تىكەلەي قاتىسقان، بارلىق پروبلەمانى ىشتەن جاقسى بىلەدى. بۇل وتە قۇندى تاجىريبە، ويتكەنى مەديتسينالىق ساقتاندىرۋ قورىنىڭ حالىققا ارنالعان مەديتسينالىق كومەكتى ستراتەگيالىق ساتىپ الۋشى رەتىندە جانە ءمامس پەن تمككك پاكەتىنىڭ قارجىلىق وپەراتورى رەتىندە ەرەكشە مارتەبەسى بار. بارلىق پروتسەستى - ساتىپ الۋ مەن مەديتسينالىق كومەكتى قاراجىلاندىرۋ ءىسىن اشىق جانە جۇيەلى جۇزەگە اسىرۋ كەرەك. قازىر ەلىمىزدىڭ دەنساۋلىق ساقتاۋ سالاسى قيىن كەزەڭدى باستان وتكىزىپ وتىر، بۇل رەتەت كوروناۆيرۋسقا قارسى كۇرەس شارالارىنىڭ شىعىنىن وتەۋدە ساقتاندىرۋ قورىنىڭ ءرولى وتە ماڭىزدى»، - دەدى مينيستر ا. تسوي.

مينيستر بۇل تاعايىنداۋدىڭ ارتىندا ۇلكەن جاۋاپكەرشىلىك تۇرعانىن جانە مەملەكەت باسشىسى قويعان مىندەتتەردى قىسقا ۋاقىتتا ورىنداۋ قاجەتتىگىن دە اتاپ ءوتتى.

بولات توكەجانوۆ 1972 جىلى 19 شىلدەدە شىعىس قازاقستان وبلىسىندا دۇنيەگە كەلگەن.

1994 جىلى قازاق مەملەكەتتىك باسقارۋ اكادەمياسىن «ەكونوميست» ماماندىعى بويىنشا بىتىرگەن.

2010 جىلى قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبىندە مەملەكەتتىك جانە جەرگىلىكتى باسقارۋ ماگيسترى دارەجەسىن الدى. اقش، سولتۇستىك كارولينا شتاتىنىڭ دارەم قالاسىنداعى ديۋك ۋنيۆەرسيتەتىنىڭ سەنفورد قوعامدىق ساياسات مەكتەبىندە، سونداي-اق، سينگاپۋرداعى لي كۋان يۋ اتىنداعى ۇلتتىق ۋنيۆەرسيتەتتىڭ مەملەكەتتىك ساياسات مەكتەبىندە وقىعان.

بولات توكەجانوۆ قازاقستاننىڭ سالىق قىزمەتى جۇيەسىندە جۇمىس تاجىريبەسى بار، شىعىس قازاقستان وبلىسىنداعى دەنساۋلىق ساقتاۋ ۇيىمدارىن باسقاردى. قر دەنساۋلىق ساقتاۋ مينيسترلىگىندە باسشىلىق قىزمەتتەردى اتقاردى. قر دەنساۋلىق ساقتاۋ مينيسترلىگىنىڭ ۆيتسە-ءمينيسترى، جاۋاپتى حاتشىسى بولىپ جۇمىس ىستەدى.

«قۇرمەت» وردەنىمەن ماراپاتتالعان، قر دەنساۋلىق ساقتاۋ ۇزدىگى.

ۇيلەنگەن، ءۇش بالا تاربيەلەپ وتىر.

 

سوڭعى جاڭالىقتار