12 شىلدە, 12:06 599 0 زاڭ انار لەپەسوۆا

الماتى اكىمدىگىندەگىلەر مەيرامحانادا ءوتىپ جاتقان توي ۇستىنەن ءتۇستى (ۆيدەو)

قالا اكىمدىگىنىڭ جانىنداعى باقىلاۋ توبىنىڭ وكىلدەرى بوستاندىق اۋدانىنداعى الماراسان شاتقالىندا ءوتىپ جاتقان توي ۇستىنەن ءتۇستى، دەپ حابارلايدى الماتى تەلەارناسى.

ەنگىزىلگەن قوسىمشا شەكتەۋلەرگە قاراماستان، "رايسكي ساد" مەيرامحاناسىندا وتكەن تويعا باقىلاۋشىلارمەن بىرگە تەلەارنانىڭ ءتۇسىرىلىم توبى دا بارعان.

ۆيدەودان تويعا جينالعان قوناقتار مونيتورينگ توبىنىڭ قىزمەتكەرلەرىن كورگەندە بەتپەردە كيە باستاعانىن بايقاۋعا بولادى.

قوناقتار سول مەزەتتە-اق تاراتىلىپ، مەيرامحانا يەسىنە حاتتاما تولتىرىلدى. ەندى وعان ۇلكەن سومادا ايىپپۇل سالىنۋى مۇمكىن.

ايتا كەتەيىك، كوروناۆيرۋس ينفەكتسياسىن جۇقتىرعان ادامدار سانىنىڭ وسۋىنە بايلانىستى 5 شىلدەدەن باستاپ الماتىدا قوسىمشا شەكتەۋلەر، ونىڭ ىشىندە جاپپاي جانە وتباسىلىق ءىس-شارالار وتكىزۋگە تىيىم سالىندى.

;feature=emb_logo

سوڭعى جاڭالىقتار