11 شىلدە, 21:17 586 0 جاڭالىقتار اسىل تۇمار

ماڭعىستاۋ وبلىسى اكىمدىگىنىڭ 30 قىزمەتتىك كولىگى ەمحانالارعا بەرىلدى

ماڭعىستاۋ وبلىسىنىڭ اكىمى سەرىكباي ترۇموۆتىڭ تاپسىرماسىمەن بۇگىن وبلىس اكىمدىگىنىڭ 30 قىزمەتتىك كولىگى اقتاۋ قالاسىنداعى ەمحانالارعا بەرىلدى، – دەپ جازدى قازاقپارات.

پاندەميا كەزىندە موبيلدىك توپتاعى ۋچاسكەلىك دارىگەرلەر تۇرعىنداردىڭ شاقىرتۋىنا ەندى وسى كولىكتەرمەن بارادى. بۇل ەمحانالارداعى كولىك تاپشىلىعىن ازايتۋ ءۇشىن قولعا الىنىپ وتىر.

قازىرگى كەزدە اكىمدىك قىزمەتكەرلەرىنىڭ ءبىر بولىگى ونلاين رەجيمىندە جۇمىس ىستەيدى. سول سەبەپتى، مەملەكەتتىك قىزمەتكەرلەر وسى كولىكتەر قازىرگى كەزدە دارىگەرلەرگە قاجەت دەپ سانايدى.

وبلىس اكىمدىگى كولىكتەردى دەزينفەكتسيالاۋدى، جانار-جاعارماي قۇيۋدى، كولىك جۇرگىزۋشىلەرىن جەكە قورعانىش قۇرالدارىمەن قامتۋ جانە وزگە دە شىعىنداردى ءوز موينىنا الادى.

سوڭعى جاڭالىقتار