11 شىلدە, 19:47 552 0 جاڭالىقتار اسىل تۇمار

اقتوبەلىكتەر اۋرۋحاناداعى ناۋقاستارعا تەگىن قىمىز بەن ەت جەتكىزۋدە

اقتوبە وبلىسىنىڭ قوبدا اۋدانىندا شارۋالار قوي سويىپ، اۋرۋحاناعا قىمىز بەن ساۋمال جەتكىزدى، – دەپ جازدى قازاقپارات.

قوبدا اۋدانى اكىمدىگىنىڭ ۇيىمداستىرۋىمەن شارۋا قوجالىعىنىڭ باسشىلارى مەن جەرگىلىكتى كاسىپكەرلەر اۋداندىق اۋرۋحانادا ەمدەلىپ جاتقان ازاماتتاردىڭ يممۋنيتەتتىن جاقسارتۋ ماقساتىندا قىمىز بەن قوي ەتىن تەگىن تاراتتى.

«بۇل يگىلىكتى ىسكە «جاقسىلىق» شارۋا قوجالىعىنىڭ باسشىسى نۇربولات مۇقاتوۆ، «ەرتەمىر» شارۋا قوجالىعىنىڭ باسشىسى كەنجەش بايجۋانوۆ، «ەدىل» شارۋا قوجالىعىنىڭ باسشىسى ءالىم سارمانوۆ، «ۇلان» شارۋا قوجالىعىنىڭ باسشىسى ازامات ماحاتوۆ، «ءدارىباي» شارۋا قوجالىعىنىڭ باسشىسى باۋىرجان قۇلتاەۆ ءبىر-ءبىر قويدان بەرىپ، اۋداندىق اۋرۋحانانىڭ اسحاناسىنا تاپسىردى.

جەرلەستەرىمىز اۋرۋحاناعا وتتەگىمەن دەمالاتىن قۇرىلعى تارتۋ ەتسە، ەكى كۇندە شارۋا قوجالىقتارى 200 كەلى قوي ەتىن تابىس ەتىپ، «ماحامبەت» شارۋا قوجالىعىنىڭ باسشىسى باۋىرجان ماحامبەتوۆ قىمىز، ساۋمال بەردى.

الداعى ۋاقىتتا دا جاناشىرلىق تانىتىپ، ءوز ۇلەسىن قوسامىن دەپ ىقىلاس تانىتقان كاسىپكەرلەردىڭ قايىرىمدى ىستەرىن ۇيىمداستىرىپ، كەستە بويىنشا اۋرۋحاناعا جەتكىزۋ جوسپاردا بار«، – دەپ حابارلادى قوبدا اۋدانىنىڭ اكىمدىگى.

ايتا كەتەيىك، اقتوبە وبلىسىندا كوروناۆيرۋس ينفەكتسياسىن جۇقتىرعاندار سانى 2 مىڭنان استى. سوڭعى تاۋلىكتە 87 ادامنىڭ ىندەتكە شالدىققانى بەلگىلى بولدى.

سوڭعى جاڭالىقتار