11 شىلدە, 10:36 526 0 جاڭالىقتار اسىل تۇمار

بلوك-پوستتار قويىلمايدى

اتىراۋ وبلىسىندا كوروناۆيرۋس ينفەكتسياسى ءورشىپ تۇرعانىمەن، بلوك-پوستتار قويىلمايدى.

اتىراۋ وبلىسىنىڭ اكىمى ماحامبەت دوسمۇحامبەتوۆتىڭ مالىمدەۋىنشە، ەپيدەميولوگيالىق جاعداي كۇردەلەنەتىن بولسا، قوسىمشا قاتاڭ شەكتەۋلەر ەنگىزىلۋى مۇمكىن.

«وبلىس تۇرعىندارىن قاۋىپسىزدىك شارالارىن ساقتاۋعا، جاۋاپكەرشىلىكتى سەزىنۋگە شاقىرامىن. الەۋمەتتىك قاشىقتىقتى جانە ماسكا رەجيمىن ساقتاپ، جەكە گيگيەنا تۋرالى ۇمىتپاعان ءجون. ەگەر، جاعداي ودان ءارى كۇردەلەنەتىن بولسا، ءبىز كارانتين رەجيمىن قاتاڭداتۋعا ءماجبۇر بولاتىندىعىمىزدى ەسكەرتەمىن. مۇنى الداعى ەكى اپتا كورسەتەدى»، – دەدى وبلىس اكىمى.

ەسكە سالا كەتەلىك، قر پرەمەر-ءمينيسترىنىڭ ورىنباسارى ەرالى توعجانوۆ اتىراۋ وبلىسى كوروناۆيرۋس جۇقتىرۋدان كوش باستاپ تۇرعانىن حابارلاعان ەدى.

سوڭعى جاڭالىقتار