10 شىلدە, 22:33 995 0 دەنساۋلىق انار لەپەسوۆا

قاسىم-جومارت توقاەۆ ءمامس قورىنىڭ باسشىلىعىنا كىمدى قويۋ كەرەك ەكەنىن ايتتى

مىندەتتى الەۋمەتتىك مەديتسينالىق ساقتاندىرۋ قورىنىڭ باسشىلىعىنا ىسكەر ادامدى قويۋ كەرەك. بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقاەۆ ايتتى. 

«كەيىنگى كەزدە مىندەتتى الەۋمەتتىك مەديتسينالىق ساقتاندىرۋ قورىنىڭ اينالاسىندا ءارتۇرلى اڭگىمە ءورشىپ كەتتى. مەنىڭشە ونىڭ باسشىلىعىنا ىسكەر ءارى جاۋاپتىراق ادامدى قويۋ كەرەك. ول قوردىڭ اينالاسىندا ەشقانداي سىبىس پەن اڭگىمە شىقپاۋى ءتيىس. اينالىپ كەلىپ وسىنداي اڭگىمەنىڭ شىعۋىنا ءوزىمىز سەبەپكەر بولىپ وتىرمىز. ۇكىمەت تاراپىنان قوردىڭ جۇمىسىنا تالداۋ جۇرگىزىلىپ، ول قانشالىقتى ءتيىمدى ءارى ءساتتى دەگەن سۇراق زەرتتەلۋى ءتيىس»، - دەدى پرەزيدەنت.

ايتا كەتەيىك، بۇعان دەيىن قاسىم-جومارت توقاەۆ ءمامس قورى مەن «سك فارماتسيا» باسشىلارىن جۇمىستان شىعارۋدى تاپسىرعانىن حابارلاعانبىز.

«تۋىنداعان قيىندىققا كىنالىلەردىڭ بارىنە قاتىستى تەرگەۋ جۇرگىزۋ كەرەك. جاۋاپكەرشىلىككە تارتقان دۇرىس. ءمامس قورى مەن «سك فارماتسيا» باسشىلارى جۇمىستان شىعارىلسىن. كەرەك بولسا تەرگەۋ جۇرگىزگەن ءجون»، – دەدى مەملەكەت باسشىسى ۇكىمەتتىڭ كەڭەيتىلگەن وتىرىسىندا.

پرەزيدەنتتىڭ جيىندا سويلەگەن ءسوزىنىڭ تولىق ءماتىنىن مىنا سىلتەمە ارقىلى وقۋعا بولادى.

 

سوڭعى جاڭالىقتار