10 شىلدە, 14:53 478 0 جاڭالىقتار اسىل تۇمار

دارىگەرلەرگە قولداۋ كورسەتتى

قازىر بۇكىل الەمگە جايىلعان پاندەميا تۇسىندا وتاندىق مەديتسينا سالاسى قولداۋعا ءزارۋ. ول قولداۋ ماتەريالدىق تۇرعىدان بولسىن، پسيحولوگيالىق تۇرعىدان بولسىن ماڭىزدى.

بۇگىن نۇر-سۇلتان قالاسى «Nur Otan» پارتياسى الماتى اۋداندىق فيليالى توراعاسىنىڭ ءبىرىنشى ورىنباسارى بولىسبەك مۇحامەد ءابدىاشىمۇلىنىڭ باستاماسىمەن جانە «قازاق ەمحاناسى» باستاۋىش پارتيا ۇيىمىنىڭ توراعاسى اقىن تولقىننىڭ دەمەۋشىلىگىمەن ەلورداعى 6-ەمحانا دارىگەرلەرمەن كەزدەسىپ، كومەك كورسەتتى.

قوناقتاردى وسى ەمحانانىڭ باس دارىگەرى د. بايسەرىكوۆا قارسى الىپ، قيىن قىستاۋ ۋاقىتتا پارتيا تاراپىنان وسىنداي قولداۋ كورسەتكەنى ءۇشىن ەمحانا اتىنان جانە ءوز اتىنان راحمەتىن ايتتى.

«Nur Otan» پارتياسى اتىنان 1000 دانا ماسكا، 1000 دانا قولعاپ، 2 الىستان ىستىق ولشەگىش اپپارات سىيعا تارتىلدى.

سوڭعى جاڭالىقتار