10 شىلدە, 09:53 506 0 جاڭالىقتار اسىل تۇمار

زاڭسىز ساۋدا: الماتىدا 35 مىڭ ءدارى-دارمەك تاركىلەندى

الماتى پوليتسياسى زاڭسىز ءدارى-دارمەك ساتقان ەكى ازاماتتى ۇستادى.

«ءۇش كۇن ىشىندە ءدارى-دارمەكتەر مەن مەديتسينالىق ماقساتتاعى بۇيىمداردى زاڭسىز ساتۋ بويىنشا 11 فاكتىنىڭ جولى كەسىلدى. ءتىنتۋ كەزىندە 24 مىڭ ءدارى-دارمەك قۇرالدارى بار 1200 پاكەت، سونداي-اق جالپى سوماسى 2,5 ميلليون تەڭگەنى قۇرايتىن COVID-19 انىقتايتىن 9 مىڭ ەكسپرەسس-تەست الىندى. تارلكىلەنگەن زاتتاردىڭ اراسىندا قىتايلىق پاراتسەتامول دا بولدى. قازىرگى ۋاقىتتا بۇل پرەپاراتتى قازاقستانعا جەتكىزۋ ارناسى انىقتالۋدا. بارلىق فاكتىلەر بويىنشا سوتقا دەيىنگى تەرگەۋ جۇرگىزىلۋدە»، – دەدى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ.

قازاقپاراتتىڭ جازۋىنشا، بۇگىن كريمينالدىق پوليتسيا باسقارماسىنىڭ قىزمەتكەرلەرى الماتى قالاسى بويىنشا ەكونوميكالىق تەرگەۋ دەپارتامەنتىمەن بىرلەسىپ وپا-دالاپ ساتاتىن دۇكەندە جەراستى ءدارىحاناسىن اشقان ەكى ازاماتتى ۇستادى.

دۇكەندە قىزمەتتىڭ وسى تۇرىنە ليتسەنزياسى بولعان جوق. تەرگەۋ بارىسىندا اتالعان مەكەمەدە 11 مىڭنان استام ءارتۇرلى ءدارى-دارمەك جانە جالپى سوماسى 1 119 200 تەڭگەنى قۇرايتىن 100-دەن استام امپۋلا تاركىلەندى.

ەسكە سالايىق، قر پرەزيدەنتى ق.ك. توقاەۆتىڭ تاپسىرماسى بويىنشا ىشكى ىستەر مينيسترلىگى ەلىمىزدە رەيد وتكىزىپ جاتىر. تەكسەرۋدىڭ ماقساتى – كارانتين ۋاقىتىندا قاجەتتى ءدارى-دارمەكتەردىڭ جەتىسپەۋشىلىگىن پايدالانىپ، رەسپيراتورلىق-ۆيرۋستى اۋرۋلاردى ەمدەۋگە ارنالعان ءدارى-دارمەكتەردى جوعارى باعامەن ساتقان ءدارىحانا قىزمەتكەرلەرى مەن ازاماتتاردى انىقتاۋ.

سوڭعى جاڭالىقتار