9 شىلدە, 20:39 802 0 دەنساۋلىق Túrkistan Gazeti

دەنساۋلىق سالاسى راسىندا دا پاندەمياعا دايىن بولمادى

– پرەزيدەنتىمىزدىڭ 13 شىلدە كۇنىن كوروناۆيرۋس قۇربان­دارىن ازا تۇتۋ كۇنى دەپ جاريالاعانىن قولدايمىن. بۇل ىندەت جاس تالعامايدى، قانشاما ازاماتتار مەن ازاماتشالاردان ايىرىلىپ جاتىرمىز. حالىقتا ۇرەي باسىم. ويتكەنى قازاقستاننىڭ دەنساۋلىق سالاسى راسىندا دا پاندەمياعا دايىن بولمادى. اۋرۋحانالاردا ورىن جوق، ال امبۋلا­توريالىق جانە ءۇي جاعدايىندا ۆيرۋس جۇقتىرىپ، ورتاشا، اۋىر دارەجەدە اۋىرىپ جاتقان قانشاما ادام بار.

ءبىز كوروناۆيرۋسقا دەيىن امبۋلاتوريالىق جاعدايدا قىستىگۇنى برونحيت، جرۆي سياقتى اۋرۋلارعا كۇنىنە 10-15 شاقىرتۋ الاتىنبىز.  ال كوروناۆيرۋس باستالعالى كۇنى­نە 2 000 تۇرعىنى بار 1 ۋچاسكەنىڭ وزىنەن  20-30 شاقىرتۋ الامىز، كەي كەزدەرى ءتىپ­تى 40 شاقىرتۋ بولىپ جاتادى. ءبىر دارىگەر اۋرۋحانادا ەمدەلۋشىلەردى قابىلداۋدان بولەك، 30-40 شاقىرتۋعا بارىپ جاتادى. بۇل دارىگەرلەر ءۇشىن وتە اۋىر.

جۇمىستا ساقتىق شارالارىن جاساۋعا بارلىق جاعداي جاسالعان. بىراق شاقىرتۋعا باراتىن كولىك تاپشى. كەي دارىگەرلەر شاقىرتۋ كوپ بولعان جاعدايدا الىس جەرلەرگە جاياۋ بارادى.

قالاداعى ءدارىحانالاردان اتسەتيلساليتسيل قىشقىلىنىڭ ءوزىن ماي شاممەن ىزدەپ تاپ­پايسىڭ. اسىرەسە، ءۇي جاعدايىندا ەمدەلىپ جاتقاندار ءدارى تاپپاي اۋرە-سارساڭعا ءتۇسىپ جاتىر. ويتكەنى كەي ءدارىحانالار ءۇي جاعدايىندا ەمدەلۋشىلەرگە رەتسەپتسىز دارىلەر ساتادى. انتيبيوتيكتەر قابىلداۋعا نەگىز جوق جاعدايدا ونى قابىلداپ جات­قاندار وتە كوپ. بۇرىنعى ءمينيسترىمىز قولىنان كەلگەنشە جۇمىس ىستەدى. بۇل جەردە حالىقتىڭ كارانتين شارالارىن ساقتاماۋى دا ۆيرۋس جۇقتىرۋشىلار سانىنىڭ كوبەيۋىنە اسەر ەتىپ وتىرعانىن ايتا كەتۋىمىز كەرەك. ءوزىڭىز بايقاپ قاراساڭىز، حا­لىقتىڭ باسىم كوپشىلىگى كوشەدە ماسكاسىز جۇرەدى. ەمدەلۋشىلەر اڭگىمەلەسۋ بارىسىندا ايتقاندى ماقۇلداپ تىڭداعانىمەن، بىلاي شىعا بەرە ساقتىق شارالارىن ورىندامايتىنىن كوزىمىز كورىپ ءجۇر.

سونىمەن قاتار قابىلداۋعا كەلگەن ناۋقاستاردىڭ ماسكا ساتىپ الۋعا قالتاسى كو­تەرمەيتىنىن، ءتىپتى ساتىپ الۋعا ىنتاسى جوعىن بايقايمىن. ءبىر رەتتىك ماسكانى تۇتەلەنىپ كەتكەنشە جۋىپ تاعاتىنداردى دا كورىپ ءجۇرمىن. وسىنداي قاراپايىم ساق­تىق شارالارى ساقتالماي وتىر.

بىراق بىزدە بىلىكتى دارىگەرلەر وتە كوپ، ەمدەلىپ جاتقان ادامدار قانشاما. پان­دەميانىڭ ەكىنشى تولقىنىندا ۆيرۋس جۇقتىرۋشىلار سانىنىڭ ارتىپ وتىرعانىنا قاراماستان، امبۋلاتوريالىق جاعدايدا دارىلەر تەگىن بەرىلىپ جاتىر. قازىر پنەۆمونيا بولىپ اۋىرىپ جاتقان ەمدەلۋشىلەردىڭ 90 پايىزىنا ءدارىنى تەگىن بەرىپ جاتىرمىز.

رايحان فايزيەۆا،

الماتى قالالىق  №8 ەمحاناسىنىڭ جالپى تاجىريبەلىك دارىگەرى

سوڭعى جاڭالىقتار