9 شىلدە, 20:51 444 0 ايماق ارايلىم بيمەنديەۆا

تۇركىستان قالاسىندا 1,5 مىڭعا جۋىق وتباسى باسپانالى بولادى

تۇركىستان قالاسى اكىمشىلىك-ىسكەرلىك ورتالىعىندا 89 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. جىل سوڭىنا دەيىن 7 قاباتتى 24 تۇرعىن (92,2 مىڭ ش.م، 1 452 پاتەر) ءۇيدى پايدالانۋعا تاپسىرۋ جوسپارلانۋدا. ونىڭ ىشىندە: كەزەكتە تۇرعان الەۋمەتتىك وسال توپتارعا جانە كوپبالالى وتباسىلارعا (450 پاتەر), كەزەكتە تۇرعان مەملەكەتتىك قىزمەتكەرلەگە كرەديتتىك تۇرعىن ءۇي (1 002 پاتەر) تاپسىرۋ جوسپارلانعان.

سونىمەن قاتار وبلىس ورتالىعىندا كوشەلەر مەن دەمالىس ورىندارىن كوبەيتىپ، كوگالداندىرۋ جۇمىستارى قارقىندى ورىن الۋدا. قالادا 32 سەكتور بويىنشا كوگالداندىرۋ جۇمىستارى جۇرگىزىلەدى. اۋدان، قالا جانە باسقارما باسشىلارى جاۋاپتى بارلىق اۋماقتاردا 250 مىڭ اعاش كوشەتى مەن بۇتالار وتىرعىزىلدى.

«جاسىل بەلدەۋ»  باعدارلاماسى بويىنشا 97,9 گا اۋماققا 42 068 دانا اعاش ەگىلدى. «قاشقاري» دەمالىس ورنىندا 200 ءتۇرلى اعاشتار مەن بۇتالى گۇلدى وسىمدىكتەر وتىرعىزىلعان. قازىرگى كەزدە تۇركىستان قالاسىنىڭ 19 كوشەسىندە كوگالداندىرۋ مەن اباتتاندىرۋ جۇمىستارى ىسكە اسۋدا. سونىمەن بىرگە، ءال-فارابي مەن قازىبەك بي، ن.تورەقۇلوۆ كوشەسىندە ساياباق پەن سكۆەرلەر ورناتىلۋدا.  الداعى ۋاقىتتا قولدانىسقا بەرىلەدى. ناتيجەسىندە، جالپى ۇزىندىعى 111950 شارشى مەتر اۋماق شىلدە ايىنىڭ سوڭىنا دەيىن كوگالداناتىن بولادى.

سوڭعى جاڭالىقتار