9 شىلدە, 15:54 1141 0 جاھان انار لەپەسوۆا

اينەگى سىنعان ۇشاقتى دەر كەزىندە قوندىرعان ۇشقىش جولاۋشىلاردى اجالدان امان الىپ قالدى

قىتايلىق Ruili Airlines اۋە كومپانياسىنىڭ ۇشقىشى ۇشاق اينەگىنىڭ سىنۋىنا بايلانىستى اۋە كەمەسىن شۇعىل جەرگە قوندىرىپ، جولاۋشىلاردىڭ ءومىرىن قۇتقارىپ قالدى.

Daily Mail-دىڭ حابارلاۋىنشا،  Boeing 738 ۇشاعى قىتايدىڭ سيان قالاسىنان كۋنمينگە بەت العان. اۋەگە كوتەرىلگەن سوڭ جارتى ساعاتتان كەيىن ەكيپاج اينەكتىڭ سىنعانىن بايقاعان. ۇشقىشتار اۋە كەمەسىن تەز ارادا چۋنتسينگە قوندىرۋ تۋرالى شەشىم قابىلداپتى.

رادارلاردان الىنعان مالىمەت بويىنشا ول كەزدە ۇشاق 9,4 مىڭ مەتر بيىكتىكتە بولعان جانە كۇرت تومەندەپ، ۇشۋى باياۋلاعان. ۇشقىشتار التى مينۋت ىشىندە 3,8 مىڭ مەترگە تومەندەگەن. ناتيجەسىندە اۋە كەمەسىنىڭ كومانديرى ۇشاقتى جەرگە ءساتتى قوندىرىپ، جولاۋشىلاردى اپاتتان امان الىپ قالدى. توتەنشە جاعداي كەزىندە ەشكىم زارداپ شەككەن جوق.

سوڭعى جاڭالىقتار