9 شىلدە, 15:09 1088 0 ونەر انار لەپەسوۆا

كەڭەس دۇيسەكەەۆ قايتىس بولدى

قازاقستان رەسپۋبليكاسىنا ەڭبەك سىڭىرگەن ونەر قايراتكەرى كەڭەس دۇيسەكەەۆ ومىردەن ءوتتى. بۇل تۋرالى قر اقپارات جانە قوعامدىق دامۋ ءمينيسترى ايدا بالاەۆا Facebook-تەگى پاراقشاسىندا جازدى.

«بەلگىلى ونەر ساڭلاعى، ايگىلى كومپوزيتور كەڭەس دۇيسەكەەۆتىڭ قايتىس بولۋىنا بايلانىستى مارقۇمنىڭ وتباسى مەن تۋعان-تۋىستارىنىڭ قايعىسىنا ورتاقتاسىپ كوڭىل ايتامىز. قازاق مۋزىكا ونەرىنىڭ ءوسىپ-وركەندەۋىنە ولشەۋسىز ەڭبەك سىڭىرگەن اتاقتى كومپوزيتوردىڭ شىعارمالارى، اندەرى مەن اۋەندەرى تۋعان حالقىنىڭ جادىندا، جۇرتىنىڭ جۇرەگىندە ماڭگى ساقتالاتىنى اقيقات. كومپوزيتور كەڭەس دۇيسەكەەۆ «گۇلدەر» ءانسامبلىنىڭ باس ديريجەرى جانە مۋزىكا جەتەكشىسى، «قازاقكونتسەرت» بىرلەستىگىنىڭ مۋزىكا جەتەكشىسى، قازاق تەلەديدارى مۋزىكا رەداكتسياسىنىڭ باس رەداكتورى سياقتى جاۋاپتى باسشىلىق قىزمەتتەردى اتقارا ءجۇرىپ، ارتىندا مول شىعارماشىلىق مۇرا قالدىردى. مارقۇمنىڭ جاتقان جەرى جايلى، توپىراعى تورقا بولسىن. پەيىشتە نۇرى شالقىسىن»، - دەپ جازدى ا.بالاەۆا.

كەڭەس دۇيسەكەۇلى دۇيسەكەەۆ 1946 جىلى 10 اقپاندا قىزىلوردا وبلىسى قازالى اۋدانىندا دۇنيەگە كەلگەن. كومپوزيتور، قازاقستاننىڭ ەڭبەك سىڭىرگەن ونەر قايراتكەرى، «پاراسات» ، «قۇرمەت» وردەندەرىمەن ماراپاتتالعان.

 

سوڭعى جاڭالىقتار