9 شىلدە, 13:44 519 0 الەۋمەت ارايلىم بيمەنديەۆا

الەۋمەتتىك ماڭىزى بار 24 قىزمەتتى ونلاين الۋعا بولادى

ەندى قازاقستاندىقتار الەۋمەتتىك ماڭىزى بار 24 قىزمەتتى ونلاين الادى، ولاردىڭ باسىم بولىگى ەل تۇرعىندارىنا جاردەماقى نەمەسە الەۋمەتتىك كومەك تاعايىنداۋ «ەلەكتروندىق ۇكىمەت» پورتالىندا قولجەتىمدى بولماق.

«حالىقتىڭ الەۋمەتتىك وسال توپتارىن قولداۋدىڭ ماڭىزدىلىعىن نازارعا الا وتىرىپ، قازىرگى جاعدايدى ەسكەرە وتىرىپ، ازاماتتارعا الەۋمەتتىك كومەك كورسەتۋگە باعىتتالعان ەڭبەك جانە حالىقتى الەۋمەتتىك قورعاۋ مينيسترلىگىنىڭ 24 كورسەتىلەتىن قىزمەتىن ونلاين فورماتقا قايتارۋ تۋرالى شەشىم قابىلداندى. ەندى وسى كورسەتىلەتىن قىزمەتتەردىڭ بارلىعىن ۇيدەن شىقپاي-اق الۋعا بولادى»، – دەپ اتاپ ءوتتى «ۇلتتىق اقپاراتتىق تەحنولوگيالار» اق باسقارما توراعاسى اسەت تۇرىسوۆ.

«ەلەكتروندىق وتىنىشتەر» سەرۆيسىنىڭ كومەگىمەن: بالا جاسىنان ءبىرىنشى توپتاعى مۇگەدەككە كۇتىم جاساۋ بويىنشا جاردەماقى تاعايىنداۋ، مەملەكەتتىك اتاۋلى الەۋمەتتىك كومەك تاعايىنداۋ، مۇگەدەكتەرگە پروتەزدىك-ورتوپەديالىق كومەك ۇسىنۋ ءۇشىن قۇجاتتاردى رەسىمدەۋ، مۇگەدەكتەرگە كرەسلو-اربالار بەرۋ، كوپ بالالى وتباسىلارعا مەملەكەتتىك جاردەماقى تاعايىنداۋ جانە ت.ب. سىندى قىزمەتتەردى الۋعا بولادى.

كورسەتىلەتىن قىزمەتتەردى مىنا سىلتەمە بويىنشا الۋعا بولادى: https://egov.kz/cms/ru/services/citizen_and_the_government/e_app

 

سوڭعى جاڭالىقتار