9 شىلدە, 11:23 483 0 دەنساۋلىق انار لەپەسوۆا

دارىگەرلەر تاپشىلىعى: مينيسترلىك ناقتى دەرەكتەردى جاريالادى

دەنساۋلىق ساقتاۋ مينيسترلىگى قازاقستاندا مەديتسينالىق كادرلاردىڭ جەتىسپەۋ ماسەلەسىنە قاتىستى مالىمەتتەردى جاريالادى.

«پراكتيكالىق دەنساۋلىق ساقتاۋ سالاسىنا 108 مىڭ ورتا بۋىن مامانى تارتىلعان. وڭىرلەردەگى سۇرانىس قاجەتتىلىكتەرگە قاراي مەديتسينالىق كوللەدجدەر مەن جوو-لاردىڭ تۇلەكتەرى ەسەبىنەن تولىقتىرىلادى. كادرلاردىڭ جەتىسپەۋشىلىگى اتىراۋ، ماڭعىستاۋ، تۇركىستان، قاراعاندى، شىعىس قازاقستان، قوستاناي، سولتۇستىك قازاقستان، اقتوبە، باتىس قازاقستان وبلىستارى جانە نۇر-سۇلتان قالاسىندا بايقالادى. ناقتىراق ايتقاندا، 616 انەستەزيولوگ-رەانيماتولوگ، 158 ينفەكتسيونيست، 60 ەپيدەميولوگ، 166 كارديولوگ، 68 پۋلمونولوگ، 84 رەابيليتولوگ كەرەك»، - دەلىنگەن مينيسترلىك حابارلاماسىندا.

ۆەدومستۆو جۇمىسقا تارتىلعان مەديتسينالىق كادرلاردىڭ بارلىعى بويىنشا مالىمەتتەر بازاسىن قۇرىپ جاتىر. بۇل بازا 40 مىڭ ماماندى قامتيدى. سونىمەن بىرگە جۇمىسقا جەكە سەكتور وكىلدەرىنىڭ 60 پايىزى تارتىلعان.

 

سوڭعى جاڭالىقتار