9 شىلدە, 10:10 474 0 جاڭالىقتار انار لەپەسوۆا

قوستاناي قالاسىنىڭ اكىمى كوروناۆيرۋس جۇقتىردى

قوستاناي قالاسىنىڭ اكىمى قايرات احمەتوۆ كوروناۆيرۋس جۇقتىردى. بۇل تۋرالى شاھار باسشىسى الەۋمەتتىك جەلىدەگى پاراقشاسىندا حابارلاپ، تۇرعىنداردى ساقتىق شارالارىن قاتاڭ ساقتاۋعا ۇندەدى. 

«قۇرمەتتى قوستانايلىقتار! بارلىق ساقتىق شارالارىن قاتاڭ ساقتاۋىما قاراماستان، وكىنىشكە وراي، Covid-19-عا تاپسىرعان تەستىم وڭ ناتيجە كورسەتتى. وسى سەبەپپەن ءوز-ءوزىمدى وقشاۋلاۋعا كوشەمىن جانە جۇمىسىمدى قاشىقتان جالعاستىرامىن. وسىعان وراي، قالا تۇرعىندارىن بەلگىلەنگەن بارلىق تالاپتار مەن قاجەتتى قاۋىپسىزدىك شارالارىن قاتاڭ ساقتاۋعا شاقىرامىن. ءبىزدىڭ مىندەتىمىز – شىدامدىلىق تانىتىپ، تازالىققا ۇلكەن ءمان بەرۋ، ءوز وتباسىمىزدى قاۋىپ-قاتەردەن قورعاۋ»،- دەپ جازدى قايرات احمەتوۆ.

ەسكە سالا كەتەيىك، بۇعان دەيىن سەمەي قالاسىنىڭ اكىمى ەرمەك ءساليموۆتىڭ كوروناۆيرۋس جۇقتىرعانىن حابارلاعانبىز.

سونداي-اق، ىندەتكە شالدىققان تەمىرتاۋ قالاسىنىڭ اكىمى عالىم ءاشىموۆ دەرتىنەن ايىققانى تۋرالى جازدىق.

 

سوڭعى جاڭالىقتار