9 شىلدە, 09:55 964 0 ساياسات انار لەپەسوۆا

روزا مۇقانوۆا: ۇندەۋ حالىقتىڭ جۇدەگەن ەڭسەسىن تىكتەۋگە شاقىردى  

– پرەزيدەنت قاسىم-جومارت توقاەۆتىڭ «ءار قازاق – مە­نىڭ جالعىزىم» دەگەندەي، ءاربىر ازاماتىمىزدىڭ قازاسى مەنىڭ جۇرەگىمە قاتتى باتادى» دەگەن ءسوزى  قولقامىزدى قارىپ ءوتتى. شىنىن ايتسام،  جانارىما جاس كەلدى.  حالىقتىڭ باسىنا قارا بۇلت ۇيىرىلگەن مىناۋ تاجالعا شىرىلداپ ارا تۇسكەن دارىگەرلەردى، ات ۇستىندەگى ازاماتتاردىڭ ەڭبەگىن، اقىرىندا وسى ىندەتكە وزدەرى ىلىگىپ كەتكەن ارىستاي ازاماتتارىمىزدى ويلاعاندا جانىڭدى قويارعا جەر تاپپايسىڭ.

قيىن... بىراق سول قيىندىقتى جەڭەتىن سابىردى، بىرلىكتى ايتتى پرەزيدەنت. بىرىگىپ قانا جەڭە الاتىنىمىزدى ايتتى. ءدال وسى قاسىرەتتى وت جا­عىپ ويناعىسى، ساياسي ساۋداعا اينالدىرعىسى كەلەتىندەر دە از ەمەس. بۇل ناۋبەتتەن دە وڭاي ولجا، وڭاي ۇپاي جيناپ «اڭقاۋ ەلگە – ارامزا مولدا» بولعىسى كەلەتىندەر دە بار...

تالاي سىناقتى باستان كەشكەن قازاق حالقى بۇل سىننان دا مۇدىرمەي وتەر. ءوز با­سىم ەلىمنىڭ اماندىعىن تىلەدىم. ەلگە قورعان بولىپ، تولارساقتان ساز كەشكەن ازا­ماتتارعا اماندىق تىلەيمىن.  بۇل قيىندىقتان دا اللا قالاسا، قۇتىلاتىن كۇن الىس ەمەس شىعار.

سوڭعى جاڭالىقتار