8 شىلدە, 20:27 347 0 جاڭالىقتار انار لەپەسوۆا

م. دۋرمانوۆا: الماتى قويمالارىندا ىستىقتى تۇسىرەتىن دارىلەر جەتكىلىكتى مولشەردە

فارماتسەۆتيكالىق قىزمەتتى قولداۋ جانە دامىتۋ قوعامداستىعىنىڭ باسشىسى مارينا دۋرمانوۆا الماتىنىڭ قويمالارىندا قابىنۋدى توقتاتاتىن جانە ىستىقتى تۇسىرەتىن پرەپاراتتار جەتكىلىكتى مولشەردە ەكەنىن ايتتى.

م. دۋرمانوۆا قازىرگى كەزدە قالا اكىمدىگىنىڭ قولداۋى ارقاسىندا وندىرۋشىلەرمەن جانە ءىرى جەتكىزۋشىلەرمەن بىرگە حالىقتى ءدارى-دارمەكپەن قامتاماسىز ەتۋ ءۇشىن قولدان كەلگەننىڭ ءبارى جاسالىپ جاتقاندىعىن حابارلادى.

«بىرىنشىدەن، بۇل پرەپاراتتار دەنساۋلىق ساقتاۋ مينيسترلىگىنىڭ حاتتاماسىندا جازىلعان. ولار – پاراتسەتامول، اسپيرين، يبۋپروفەن. ياعني، قابىنۋدى توقتاتىن، ىستىقتى تۇسىرەتىن دارىلەر. ايتار بولساق، پاراتسەتامول قالاعا قاجەتتى مولشەردە جەتكىزىلدى. 30 مىڭ تەرمومەتر ساتىلىمعا ءتۇستى. ەندى تاعى 40 مىڭىن جەتكىزۋ جوسپارلانعان. كەلەسى اپتادا تاعى 2 ملن جۋىق پاراتسەتومولدى تاسىمالداۋ جوسپاردا بار. كوتەرمە ساۋدا كومپانيالارى تاسىمالدايتىن بولادى. دەمەك، الماتى پاراتسەتومولمەن تولىق قامتاماسىز ەتىلەدى»، — دەدى م. دۋرمانوۆا.

بۇلاردان وزگە، ونىڭ ايتۋى بويىنشا قالا ءدارىحانالارىنا سيستەما قوياتىن جانە شپريتس سياقتى ءتۇرلى مەديتسينالىق زاتتار دا تولىعىمەن جەتكىزىلەدى.

قاۋىمداستىق باسشىسى ءدارىحانالار الدىنداعى كەزەكتەر تۋرالى دا ءسوز ەتتى. مۇندا الماتى قالاسىنىڭ مەملەكەتتىك باس سانيتارلىق دارىگەرىنىڭ قاۋلىسى بويىنشا سانيتارلىق ەرەجەلەر مەن نورمالار جانە الەۋمەتتىك قاشىقتىق مىندەتتى تۇردە ساقتالۋى ءتيىس.

«كەزەكتى ازايتۋ ءۇشىن ءبىز ادامداردىڭ بارلىعىن بىردەن ىشكە كىرگىزە المايمىز.قاۋىپسىزدىكتى قامتاماسىز ەتۋ ءۇشىن كەلۋشىلەر اراسىنداعى قاشىقتىق كەم دەگەندە 1,5-2 مەتر بولۋى ءتيىس»، — دەدى م. دۋرمانوۆا.

ەسكە سالساق، بۇگىن الماتى قالاسىنىڭ اكىمى باقىتجان ساعىنتاەۆ فارميندۋستريا وكىلدەرىمەن ءدارى-دارمەكتەر مەن مەديتسينالىق زاتتاردى ءۇزىلىسسىز جەتكىزۋدى قامتاماسىز ەتۋ تۋرالى سەلەكتورلىق كەڭەس وتكىزگەن بولاتىن. قالا اكىمى ءتيىستى قىزمەتتەرگە مەديتسينالىق پرەپاراتتار مەن زاتتاردىڭ ەش كەدەرگىسىز ءوتۋىن قامتاماسىز ەتۋدى تاپسىردى. قاجەت بولسا سالىقتىق جانە كەدەندىك اكىمگەرلىكتى، سونىمەن قاتار شەتەلدىك تاۋار سەرتيفيكاتتارىن الۋدى جەدەلدەتۋ قاجەتتىگىن قاداپ تۇرىپ ايتتى.

سوڭعى جاڭالىقتار