8 شىلدە, 16:42 5026 0 جاھان انار لەپەسوۆا

اۆتوبۋس جولاۋشىلارى ماسكا كيۋدى تالاپ ەتكەن جۇرگىزۋشىنى ۇرىپ ءولتىردى

A camera for facial recognition is seen in a bus during a display about social distancing as part of the strengthening health measures in Cannes during the outbreak of the coronavirus disease (COVID-19) in France, April 30, 2020.   REUTERS/Eric Gaillard
A camera for facial recognition is seen in a bus during a display about social distancing as part of the strengthening health measures in Cannes during the outbreak of the coronavirus disease (COVID-19) in France, April 30, 2020. REUTERS/Eric Gaillard

فرانتسيادا اۆتوبۋس جولاۋشىلارى ماسكا كيۋدى تالاپ ەتكەن جۇرگىزۋشىنى ۇرىپ ءولتىردى، دەپ حابارلايدى Le Parisien.

وقيعا ەلدىڭ وڭتۇستىك-باتىسىنداعى بايونن قالاسىندا بولعان. 58 جاستاعى فيليپپ مونگيلو ەسىمدى جۇرگىزۋشى اۆتوبۋسقا كىرىپ كەلگەن 5 ادامنان تۇراتىن توپتان ماسكا كيۋدى تالاپ ەتكەن. ولار ماسكا كيۋدەن باس تارتىپ قانا قويماي، جۇرگىزۋشىگە بيلەتتەرىن دە كورسەتپەگەن. ەل ۇكىمەتىنىڭ قاۋلىسى بويىنشا قوعامدىق كولىكتە جولاۋشىلاردىڭ بارلىعى بەتپەردە كيۋگە مىندەتتى.

پوليتسيانىڭ دەرەگىنشە، جۇرگىزۋشى قاتتى سوققىعا جىعىلىپ، باسىنان اۋىر جاراقات العان. ەر ادامدى تەپكىنىڭ استىنا العانداردىڭ بارلىعى دا اۆتوبۋستاعى بەينەباقىلاۋ جۇيەسىنىڭ ارقاسىندا كوپ ۇزاماي ۇستالدى. وسى وقيعاعا نارازىلىق رەتىندە جابىرلەنۋشى جۇمىس ىستەيتىن كومپانيانىڭ ونداعان جۇرگىزۋشىسى جۇمىسقا شىعۋدان باس تارتتى. ولار دەپوعا جاقىن كۇندەرى ورالمايتىندارىن مالىمدەدى. سالدارىنان Chronoplus اۆتوبۋس جەلىسىنىڭ توعىز جولىنىڭ قىزمەتى توقتاپ قالدى.

سوڭعى جاڭالىقتار