8 شىلدە, 12:31 513 0 جاھان انار لەپەسوۆا

رەسەي قازاقستانعا گۋمانيتارلىق كومەك جىبەردى

رەسەي فەدەراتسياسى قازاقستانعا گۋمانيتارلىق جۇك جىبەردى. بۇل تۋرالى قر سىرتقى ىستەر مينيسترلىگى حابارلادى.

«قر پرەمەر-ءمينيسترى اسقار ءماميننىڭ رف ۇكىمەتىنىڭ توراعاسى ميحايل ميشۋستينمەن COVID-19-عا قارسى ءىس-قيمىل بويىنشا بىرلەسكەن ۋاعدالاستىقتارىنىڭ جالعاسى رەتىندە 8 شىلدە كۇنى نۇر-سۇلتان قالاسىنا رەسەي فەدەراتسياسىنىڭ توتەنشە جاعدايلار مينيسترلىگىنىڭ ارنايى بورتىمەن گۋمانيتارلىق جۇك جەتكىزىلدى. رف گۋمانيتارلىق جۇگىندە مەديتسينالىق ماسكالار، قورعانىس كيىمدەرىنىڭ جيىنتىقتارى مەن مەديتسينالىق پرەپاراتتار بار. قازاقستانداعى گۋمانيتارلىق كومەكتىڭ بىرىڭعاي وپەراتورى «سق-فارماتسيا» جشس بولىپ تابىلادى»، - دەدى مينيسترلىكتەن.

سونداي-اق الداعى جاقىن ۋاقىتتا رەسەيدەن تاعى بىرنەشە رەيس گۋمانيتارلىق جۇك جەتكىزىلەتىنى اتاپ ءوتىلدى.

«قازاقستان سىرتقى ىستەر مينيسترلىگى كوروناۆيرۋس پاندەمياسىمەن كۇرەستە كورسەتكەن قولداۋى ءۇشىن رەسەي ۇكىمەتى مەن باۋىرلاس حالقىنا العىسىن بىلدىرەدى»، - دەدى ۆەدومستۆودان.

 

سوڭعى جاڭالىقتار