8 شىلدە, 11:29 489 0 جاھان انار لەپەسوۆا

اقش ددسۇ قۇرامىنان شىعاتىنىن مالىمدەدى

اقش دۇنيەجۇزىلىك دەنساۋلىق ساقتاۋ ۇيىمىنىڭ قۇرامىنان شىعادى.

بۇۇ جاڭالىقتار ورتالىعىنىڭ حابارلاۋىنشا، اقش بۇل تۋرالى ددسۇ جارعىسىنىڭ دەپوزيتاريى سانالاتىن - بۇۇ باس حاتشىسى انتونيۋ گۋتەرريشتى حاباردار ەتكەن. شەشىم 2021 جىلى 6 شىلدەدە كۇشىنە ەنۋى ءتيىس.

اقش 1948 جىلدىڭ 21 ماۋسىمىنان بەرى دۇنيەجۇزىلىك دەنساۋلىق ساقتاۋ ۇيىمىنىڭ قۇرامىندا. الەم ەلدەرى دۇنيەجۇزىلىك دەنساۋلىق ساقتاۋ ۇيىمىنا بەلگىلى ءبىر شارتپەن قابىلدانادى. ددسۇ جارعىسى بويىنشا ۇيىم قۇرامىنان شىعۋعا نيەتتى مەملەكەت بۇل شەشىمى تۋرالى ءبىر جىل بۇرىن حاباردار ەتۋگە ءتيىس. سونداي-اق ددسۇ الدىنداعى ءوزىنىڭ قارجىلىق مىندەتتەمەلەرىن تولىق وتەۋگە مىندەتتەلەدى.

 

سوڭعى جاڭالىقتار