7 شىلدە, 14:55 627 0 جاڭالىقتار اسىل تۇمار

كوروناۆيرۋسقا قارسى كۇرەسكە بولىنگەن قاراجات قالاي جۇمسالادى – مينيستر جاۋابى

دەنساۋلىق ساقتاۋ ءمينيسترى الەكسەي تسويدىڭ ايتۋىنشا، كوروناۆيرۋس ينفەكتسياسىنا قارسى كۇرەسكە 114 ملرد 826 ملن تەڭگە بولىنگەن. ونىڭ 40 ملرد 58 ملن تەڭگەسى – ۇكىمەتتىڭ رەزەرۆىنەن اۋدارىلىپ وتىر.

«وسى قاراجاتتىڭ 21 ملرد 184 ملن تەڭگەسى – جەكە قورعانىس قۇرالدارىن ساتىپ الۋعا، 2 ملرد 30 ملن تەڭگەسى – ءدارى-دارمەك پەن مەديتسينالىق بۇيىمداردى ساتىپ الۋعا، 2,5 ملرد تەڭگەسى – زەرتحانالىق قۇرىلعىلاردى، كوروناۆيرۋستى انىقتايتىن جۇيەلەردى ساتىپ الۋعا، 100 ملن تەڭگەسى – كوروناۆيرۋستى انىقتايتىن رەاگەنتتەردى ازىرلەۋ مەن شىعارۋعا، 13,7 ملرد تەڭگەسى – پتر-تەست ادىسىمەن زەرتحانالىق زەرتتەۋلەر قىزمەتىنە، 310 ملن تەڭگەسى – جەدەل جاردەم كولىكتەرىنە وتاندىق وندىرىستەگى وكپەنى جاساندى جەلدەتۋ اپپاراتتارىن ساتىپ الۋعا، 131 ملن تەڭگەسى ازاماتتاردى ەۆاكۋاتسيالاۋعا جۇمسالادى»، – دەدى الەكسەي تسوي.

مينيستر سونىمەن قاتار رەسپۋبليكالىق بيۋدجەتتەن 74 ملرد تەڭگە بولىنگەنىن، ونىڭ 19,5 ملرد تەڭگەسى – مەديتسينالىق، ينفەكتسيالىق، كارانتيندىك جانە پروۆيزورلىق ستاتسيوناردا مەديتسينالىق قىزمەت كورسەتۋگە، 40,4 ملرد تەڭگەسى كارانتين شارالارىن وتكىزۋگە جۇمىلدىرىلعان ازاماتتانداردى ىنتالاندىرۋعا، 14,8 ملرد تەڭگەسى نۇر-سۇلتان، شىمكەنت جانە الماتى قالالارىنداعى ينفەكتسيالىق اۋرۋحانالار كەشەنىن سالۋعا جۇمسالاتىنىن جەتكىزدى.

سوڭعى جاڭالىقتار