7 شىلدە, 10:45 496 0 جاڭالىقتار اسىل تۇمار

كارانتين: سانيتارلىق تالاپتى بۇزعان 700 نىسان انىقتالدى

بۇگىنگى ونلاين بريفينگتە الماتى قالاسىنىڭ اكىمى باقىتجان ساعىنتاەۆ قالادا كارانتين شارالارىنىڭ ساقتالۋىن تەكسەرەتىن مونيتورينگ توپتارىنىڭ قىزمەتىنە قاتىستى سۇراقتارعا جاۋاپ بەردى، – دەپ جازدى قازاقپارات.

«ءىشىنارا جۇرگىزىلگەن تەكسەرۋ قورىتىندىسى بويىنشا 701 نىساننان كارانتين رەجيمىنىڭ بۇزىلعانى انىقتالدى. ءبىز تەكسەرىس بارىسىندا انىقتالعان ءتارتىپ بۇزۋ فاكتىلەرىنە دەر كەزىندە ارەكەت ەتەمىز. وعان قوسىمشا، ازاماتتار كەمشىلىك تۋرالى ءبىزدىڭ call-ورتالىقتارىمىزعا حابارلاپ ايتا الادى»، – دەپ اتاپ ءوتتى باقىتجان ساعىنتاەۆ.

قۇرامىنا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ماماندارى ەنگەن اۋداندىق اكىمدىكتەرى بەكىتكەن مونيتورينگتىك توپتار كارانتين كەزىندە جۇمىستارىن جاڭعىرتقان قالاداعى 5976 نىسانعا تەكسەرىس جۇرگىزدى، سونىڭ ىشىندە 2512 قوعامدىق تاماقانۋ، وندىرىستىك ساۋدا جانە بازارلار، 1903 وندىرىستىك ەمەس ساۋدا نىساندارىنا، سۇلۋلىق سالوندارىنا، مونشالار، قازپوشتا بولىمدەرى، بانكتەر، مەشىتتەر، كەڭسەلەر، قۇرىلىس الاڭدارى جانە كوممۋنالدىق ماقساتتاعى باسقا دا نىساندارعا، 1166 ءوندىرىس ورىندارى نىساندارىنا، اۆتوسەرۆيس جانە 395 بالاباقشا (كەزەكشى توپتار) بار.

تەكسەرۋ قورىتىندىسى بويىنشا 642 نىساننىڭ قىزمەتى ەسكەرتۋدى تۇزەگەنگە دەيىن توقتاتىلدى، ول – تەكسەرىلگەن جالپى نىسانداردىڭ 10,7%. ونىڭ ىشىندە 621 نىسان ەسكەرتۋ العاننان كەيىن وزدىگىنەن توقتاتقان. سۋبەكتىلەر ەسكەرتۋگە قاتىستى تۇزەتۋ جاساماعاننان كەيىن تقسقبد اۋداندىق باسقارمالارىنىڭ قاۋلىسىمەن 21 نىساننىڭ قىزمەتى توقتاتىلدى.

انىقتالعان ءتارتىپ بۇزۋ فاكتىلەرىنىڭ ىشىندە كەڭ تاراعانى: قىزمەتكەرلەرگە تەرمومەتريا جۇرگىزبەۋ، كەلۋشىلەر اراسىندا الەۋمەتتىك قاشىقتىقتىڭ ساقتالماۋى، قىزمەتكەرلەردىڭ ماسكانى ۋاقتىلى اۋىستىرماۋى، قىزمەتكەرلەردىڭ ماسكا رەجيمىن ورىنداماۋى، قولعاپتاردىڭ جوقتىعى، زاۋىت وراماسى جوق تەرى انتيسەپتيكتەرىن قولدانۋ، ۇستەلدەر اراسىندا الەۋمەتتىك قاشىقتىقتىڭ ساقتالماۋى، دەزينفەكتسيالىق كىلەمشەلەردىڭ جوقتىعى جانە باسقالار.

 

سوڭعى جاڭالىقتار