6 شىلدە, 21:06 496 0 جاڭالىقتار اسىل تۇمار

#Elbasymenbirge: جاسوتاندىقتار جاڭا چەللەندج باستادى

ەلوردا كۇنىنە جانە ەلباسىنىڭ 80 جىلدىق مەرەيتويىنا وراي جاسوتاندىقتار Instagram جانە Facebook الەۋمەتتىك جەلىلەرىندە #Elbasymenbirge اتتى چەللەندجىن باستادى.

وسى چەللەندج اياسىندا قازاقستاننىڭ بارلىق وڭىرلەرىنىڭ مادەنيەت جانە سپورت وكىلدەرى، ينفليۋەنسەرلەر، جاس كاسىپكەرلەر، مەملەكەتتىك قىزمەتكەرلەر مەن جاستارىنىڭ قاتىسۋىمەن 100-دەن اسا بەينەروليكتەر جاريالاندى. ەلباسىنىڭ سۋرەتى بەينەلەنگەن جەيدەلەردى كيگەن بەينەروليكتەردىڭ سپيكەرلەرى ن.نازارباەۆپەن بايلانىستى وزدەرىنىڭ ەستەلىكتەرىمەن (كەزدەسۋلەر، ءفورۋمداردا/ىس-شارالارداعى ءسوز سويلەۋ، ماراپات الۋ) ءبولىستى.

بۇدان باسقا، «Jas Otan» جاستار قاناتىنىڭ قىزمەتكەرلەرى مەن بەلسەندىلەرى #Elbasymenbirge حەشتەگىمەن ەلباسىنا ارنالعان قۇتتىقتاۋ پوستتارىن جاريالاۋدا. وسى اكتسياعا جاستار قاناتىنىڭ 3000-نان استام بەلسەندى مۇشەلەرى قاتىسىپ، Facebook جانە Instagram جەلىلەرىندە 500-دەن استام پوست جاريالاندى. جاسوتاندىقتار ءوز ەستەلىكتەرىمەن ءبولىسىپ، ەلباسىعا دەگەن جىلى لەبىزدەرىن ءبىلدىردى.

اتالعان چەللەندجگە كينواكتريسا، قازاقستاننىڭ ەڭبەك سىڭىرگەن قايراتكەرى، كانن كينوفەستيۆالىنىڭ جۇلدەگەرى سامال ەسلياموۆا، ەركىن كۇرەستەن قازاقستاندىق بالۋان، وليمپيادا ويىندارىنىڭ قولا جۇلدەگەرى، ازيا چەمپيونى، حالىقارالىق تۋرنيرلەردىڭ چەمپيونى جانە جۇلدەگەرى اقجۇرەك تاڭاتاروۆ، «قر پرەزيدەنتىنىڭ «بولاشاق» حالىقارالىق ستيپەندياسى ستيپەندياتتارىنىڭ قاۋىمداستىعى» قوعامدىق بىرلەستىگىنىڭ اتقارۋشى ديرەكتورى لاۋرا دەمەسينوۆا، «ۆولونتەرلەر ليگاسى» قق ءتورايىمى ايسۇلۋ ەرنيازوۆا، «نۇر-سۇلتان قالاسى جاستار ساياساتى ماسەلەلەرى باسقارماسىنىڭ» باسشىسى داۋلەت كارىبەك جانە ت.ب. قاتىستى.

سوڭعى جاڭالىقتار