6 شىلدە, 18:39 779 0 جاڭالىقتار اسىل تۇمار

پرەزيدەنت نۇرسۇلتان نازارباەۆتى تۋعان كۇنىمەن قۇتتىقتادى

مەملەكەت باسشىسى قاسىم-جومارت توقاەۆ، ۇلتتىق قاۋىپسىزدىك كوميتەتىنىڭ باسشىسى كارىم ءماسىموۆ جانە «سامۇرىق-قازىنا» باسقارما توراعاسى احمەتجان ەسىموۆ نۇرسۇلتان نازارباەۆتى 80 جىلدىق مەرەيتويىمەن قۇتتىقتادى، – دەپ حابارلايدى Elbasy.kz سايتى. 

قازاقستان پرەزيدەنتى نۇرسۇلتان نازارباەۆتىڭ حالىقارالىق بەدەلى جوعارى ەكەنىن اتاپ ءوتتى.

«ەلباسى زاماناۋي مەملەكەت قۇردى، قازاقستاننىڭ شەكاراسىن الەم كارتاسىنا ەنگىزدى. بۇل تۋرالى الەمنىڭ بارلىق كورنەكتى ساياساتكەرى ايتىپ ءجۇر، ولار وسى كۇنى ەلباسىنا قوڭىراۋ شالىپ، قۇتتىقتاۋدا. 80 جاس - ءار ادامنىڭ ومىرىندەگى وتە ماڭىزدى كەزەڭ. نۇرسۇلتان نازارباەۆقا ۇزاق عۇمىر تىلەيمىن. ول حالقىمىزعا، مەملەكەتكە ءالى دە ۇلكەن پايدا اكەلەتىنىنە سەنىمدىمىن»، – دەدى توقاەۆ.

قاسىم-جومارت توقاەۆ ەلباسىنىڭ قازاقستاننىڭ دامۋىنا قوسقان ۇلەسى مەن ەرەكشە ءرولىن اتادى.

«بۇگىن تاريحي كۇن – ەلباسى 80 جاسقا تولدى. ول – قازاق حالقىنىڭ ۇلى بالاسى. ءبىز ادەتتە: «ەلىمىزدىڭ ۇلى قايراتكەرى، ۇلى پەرزەنتى» دەيمىز. بۇكىل الەم وسىنداي پىكىردە. بۇل شىن مانىندە ۇلى ادام جانە ءبىز ونى ايتۋىمىز كەرەك. ءاربىر حالىق ءوزىنىڭ كورنەكتى تۇلعالارىمەن تانىمال بولعاندىقتان، ءاربىر حالىق ءوزىنىڭ تاريحي قايراتكەرلەرىن ماقتان تۇتۋى ءتيىس»، – دەدى مەملەكەت باسشىسى.

 

سوڭعى جاڭالىقتار