6 شىلدە, 18:01 447 0 جاڭالىقتار اسىل تۇمار

الاكول مەن بالقاش تۋريستەردى قابىلداي بەرەدى – اكىمدىك

الماتى وبلىسىنداعى الاكول مەن بالقاش جاعالاۋىنداعى جاعاجايلار مەن دەمالىس ورىندارى سانيتارلىق تالاپتاردى ساقتاي وتىرىپ جۇمىسىن جالعاستىرا بەرەدى.

الاكول كولىندە كارانتين مەرزىمىندە دە سۋعا شومىلۋ ماۋسىمى جالعاسا بەرەدى. دەگەنمەن دەمالىس ورىندارى بارلىق قاجەتتى سانيتارلىق جانە دەزينفەكتسيالىق شارالاردى كۇشەيتۋى كەرەك.

«الاكولدىڭ الماتى وبلىسىنداعى جاعالاۋىنا كەلگەن تۋريستەردەن كوروناۆيرۋسقا بايلانىستى ارنايى انىقتاما تالاپ ەتىلمەيدى. بىراق دەمالىس ورىندارىنا 2 مەترلىك ارا قاشىقتىقتى ساقتاۋ سىندى بىرنەشە تالاپ قويىلعان. بۇل تالاپتار تۋريستەرگە تۇسىندىرىلەدى. ەڭ باستىسى اتالعان دەمالىس ايماعى ءوز جۇمىسىن جالعاستىرا بەرەدى»، – دەدى الماتى وبلىسى اكىمىنىڭ ءباسپاسوز حاتشىسى عالىمۇرات جۇكەل.

قازىر الاكول جاعالاۋىندا 250 پانسيونات، قوناق ۇيلەر، دەمالىس بازاسى مەن ايماقتارى، ساۋىقتىرۋ لاگەرلەرى مەن قوناق ۇيلەر جۇمىس ىستەيدى. تاۋلىكتىك سىيىمدىلىعى 23,5 مىڭ ادامنان اسادى. بۇل الماتى وبلىسىنىڭ تۋريستىك وبەكتىلەرىنىڭ جالپى سانىنىڭ 30%. تاعى ءۇش جاڭا دەمالىس ورتالىعى اشىلىپ، تۋريستىك ينفراقۇرىلىمنىڭ 15 نىسانىن پايدالانۋعا بەرۋ جوسپارلانعان.

سوڭعى جاڭالىقتار