6 شىلدە, 16:15 680 0 جاڭالىقتار اسىل تۇمار

ەلوردا كۇنىنە ارنالعان وتشاشۋدى ونلاين تاماشالاۋعا بولادى

نۇر-سۇلتان قالاسىندا ەلوردا كۇنىنە ارنالعان وتشاشۋدى ونلاين تاماشالاۋعا بولادى.

«بۇگىن نۇر-سۇلتاندا ەلوردا كۇنىنە مەرەكەلىك وتشاشۋ وتەدى. ول تىكەلەي ەفيردە ساعات 23:00-دە «حابار 24» تەلەارناسىندا كورسەتىلەدى. وتشاشۋ ەسىل وزەنىنىڭ (ورتالىق ساياباق) جاعالاۋىندا، بوتانيكالىق باق (قابانباي باتىر داڭعىلى جاعىنان) جانە پۋشكين – ابىلايحان كوشەلەرىنىڭ قيىلىسىندا باستالادى»، – دەلىنگەن ەلوردا اكىمدىگىنىڭ Instagram-پاراقشاسىندا جاريالانعان اقپاراتتا.

اكىمدىك مالىمەتىنشە، وتشاشۋعا بيۋدجەتتەن قارجى بولىنبەگەن. شارا دەمەۋشى قاراجاتى ەسەبىنەن ۇيىمداستىرىلادى.

سونىمەن قاتار وتشاشۋدى بارىپ كورەتىن تۇرعىندار سانيتارلىق نورمالاردى قاتاڭ ساقتاپ، ماسكا تاعۋى، الەۋمەتتىك قاشىقتىقتى ۇستانۋى جانە انتيسەپتيك قولدانۋى ءتيىس.

سوڭعى جاڭالىقتار