6 شىلدە, 14:38 837 0 جاڭالىقتار اسىل تۇمار

ءدارى-دارمەكتەردى زاڭسىز ساتقان 21 ادام ۇستالدى

ەلىمىزدىڭ بارلىق وڭىرلەرىندە دارىلىك زاتتاردىڭ زاڭسىز ساۋداسىنىڭ الدىن الۋعا باعىتتالعان رەيد بارىسىندا 21 ادام ۇستالدى. بۇل تۋرالى قر ىشكى ىستەر مينيسترلىگىنەن مالىمدەدى.

ۆەدومستۆو مالىمەتىنشە، 5 شىلدە كۇنى كارانتين ۋاقىتىندا قاجەتتى ءدارى-دارمەكتەردىڭ جەتىسپەۋشىلىگىن پايدالانىپ، جوعارى سۇرانىسقا يە بولعان رەسپيراتورلىق ۆيرۋستىق اۋرۋلاردان ەمدەۋگە ارنالعان ءدارى-دارمەكتەردى جوعارى باعامەن ساتقان ءدارىحانا قىزمەتكەرلەرى مەن ازاماتتاردى انىقتاۋ ءۇشىن ەلىمىزدىڭ بارلىق وڭىرلەرىندە رەيد جۇرگىزىلگەن.

«رەيدتىك ءىس-شارالاردىڭ ءبىرىنشى كۇنى پوليتسياعا بارلىعى 21 ادام جەتكىزىلدى. ولاردان 3500-دەن استام دارىلىك زاتتار تاركىلەندى. ونىڭ ىشىندە 2100 وراما «اتسەتيلساليتسيل قىشقىلى«، 589 وراما «پاراتسەتامول«، 230 امپۋلا «تسەفترياكسون« بار. سونداي-اق 17 800 مەديتسينالىق ماسكا، ءبىر رەت قولدانىلاتىن 60 قولعاپ، 105 قورعانىس حالاتى (كومبينەزوندار), 80 قورعانىس كوزىلدىرىگى، 79 تەرمومەتر جانە 100-دەن استام انتيسەپتيكالىق قۇرالدار (300 ليتر) تاركىلەندى»، – دەپ اتاپ وتەدى مينيسترلىكتەن.

بارلىق انىقتالعان فاكتىلەر بويىنشا قولدانىستاعى زاڭناماعا سايكەس قۇقىقتىق باعا بەرىلەدى.

«ىشكى ىستەر مينيسترلىگى ءدارى-دارمەكتەردى زاڭسىز ساتۋعا تاپ بولعان ازاماتتاردى، سونداي-اق مۇنداي فاكتىلەر انىقتالعان جاعدايدا جاقىن جەردەگى اۋماقتىق پوليتسيا بولىمشەلەرىنە نەمەسە 102 جانە 112 تەلەفوندارى ارقىلى حابارلاۋعا شاقىرادى. رەيدتىك ءىس-شارالار جالعاسۋدا»، – دەدى قر ءىىم ءباسپاسوز قىزمەتىنەن.

سوڭعى جاڭالىقتار