6 شىلدە, 12:15 442 0 جاڭالىقتار اسىل تۇمار

موڭعولياداعى «شىڭعىسحان» حالىقارالىق اۋەجايىنىڭ اتاۋى وزگەردى

موڭعوليا استاناسى ۇلانباتىرداعى «شىڭعىسحان» حالىقارالىق اۋەجايىنىڭ اتاۋى رەسمي تۇردە «بۋيانت-ۋحاا» بولىپ وزگەرتىلدى، – دەپ جازدى قازاقپارات montsame اگەنتتىگىنە سىلتەمە جاساپ.

«ۇكىمەتتىڭ 2019 جىلدىڭ 18 جەلتوقسانىنداعى №455 قاۋلىسىنا سايكەس، ەل استاناسىنداعى «شىڭعىسحان» حالىقارالىق اۋەجايى 1 شىلدەدەن رەسمي تۇردە «بۋيانت-ۋحاا» اۋەجايى بولىپ اتالادى»، – دەلىنگەن اقپاراتتا.

«بۋيانت-ۋحاا» اۋەجايى حالىقارالىق جانە وڭىرلىك رەيستەر ءۇشىن رەزەرۆتى اۋەجاي رەتىندە قولدانىلادى. سونداي-اق اۆياتسيالىق دايىندىق جانە ءبىلىم بەرۋ، چارتەرلىك رەيستەر، اۆيالاينەرلەرگە قىزمەت كورسەتۋ جانە ازاماتتىق اۆياتسيانىڭ وزگە دە قىزمەتتەرى ءۇشىن پايدالانىلاتىن بولادى.

«حۋشيگ القابىندا جاڭا اۋەجاي رەسمي ىسكە قوسىلعانعا دەيىن «بۋيانت-ۋحاا» ءوز قىزمەتىن قالىپتى رەجيمدە اتقارا بەرەتىن بولادى. قازىرگى ۋاقىتتا ميات ۇلتتىق اۋە تاسىمالداۋشىسى «بۋيانت-ۋحاامەن» شەت مەملەكەتتەردەن ازاماتتاردى قايتارۋ بويىنشا چارتەرلىك رەيستەر اتقارۋدا. ال حۋننۋ ەير، اەروموڭعوليا اۆياكومپانيالارى كەستە بويىنشا باعىتتاردى ورىنداۋدا»، – دەپ جازادى اگەنتتىك.

سوڭعى جاڭالىقتار