5 شىلدە, 20:27 769 0 جاڭالىقتار اسىل تۇمار

اۋرۋحانالار ءدارى-دارمەكپەن تولىق قامتاماسىز ەتىلگەن – مينيسترلىك

قازاقستان اۋرۋحانالارى كوروناۆيرۋس ينفەكتسياسىن ەمدەۋ ءۇشىن قاجەتتى ءدارى-دارمەكپەن تولىق قامتاماسىز ەتىلگەن. قر پرەمەر-ءمينيسترىنىڭ ورىنباسارى ەرالى توعجانوۆ وسىلاي دەيدى، – دەپ جازدى قازاقپارات.

«بۇگىن مەملەكەت باسشىسى قاسىم-جومارت توقاەۆ پاندەميا كەزىندەگى ءدارى-دارمەكتىڭ باعاسىن كوتەرۋ فاكتىلەرى بويىنشا قاتاڭ شارا قابىلداۋ تۋرالى ارنايى تاپسىرما بەردى. قر پرەزيدەنتى ەل ازاماتتارىنىڭ ەمىنە، ولارعا دارىلىك زاتتاردى قولجەتىمدى ەتۋگە ەرەكشە ءمان بەرىپ وتىر. نەگىزى بۇل ماسەلە –ۇكىمەتتىڭ كۇن تارتىبىندە تۇرعان نەگىزگى جۇمىستاردىڭ ءبىرى. سوڭعى جىلدارى وتاندىق فارماتسەۆتيكا سالاسىندا ءوندىرىس 7 ەسەگە ارتقانىن ايتقىم كەلەدى»، – دەدى ەرالى توعجانوۆ ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، بۇگىنگى تاڭدا قازاقستان اۋرۋحانالارى كوروناۆيرۋس ينفەكتسياسىن ەمدەۋ ءۇشىن قاجەتتى ءدارى-دارمەكپەن تولىق قامتاماسىز ەتىلگەن.

«قازىرگى ۋاقىتتا مەكەمەلەردە 17 700 ادامنىڭ جاتقانىن ەسكەرە وتىرىپ، بولاشاقتا كەپىلدىك بولۋى ءۇشىن 27 مىڭ پاتسيەنتكە دەيىن دارىلىك زاتپەن قامتاماسىز ەتىلدى. مۇنىمەن دە توقتالىپ وتىرعان جوقپىز. ارى قاراي دا ناقتى شارالار قابىلدانىپ وتىر. ءدارى-دارمەكتى قوسىمشا ساتىپ الۋ 59 مىڭ پاتسيەنتكە دەيىن ۇلعايتىلادى»، – دەدى ول.

سوڭعى جاڭالىقتار