5 شىلدە, 19:38 462 0 جاڭالىقتار اسىل تۇمار

COVID-19: 15 شىلدەگە دەيىن قانداي ءدارى-دارمەك جەتكىزىلەدى

2020 جىلدىڭ 15 شىلدەسىنە كەيىن 840 مىڭ لوپيناۆير، ريتوناۆير تابلەتكالارى، 61 مىڭ گيدروكسيد ءحلوريدى، 11 مىڭ فلاكون رەمدەسيۆير ءدارىسى ەلىمىزگە جەتكىزىلەدى. بۇل تۋرالى قر پرەمەر-ءمينيسترىنىڭ ورىنباسارى ەرالى توعجانوۆ ايتتى، – دەپ جازدى قازاقپارات.

«بۇگىندە ايماقتار اراسىندا 4 مىڭ ناۋقاس ءۇشىن 160 مىڭ تابلەتكا لوپيناۆير، ريتوناۆير تاراتىلۋدا. 2020 جىلدىڭ 15 شىلدەسىنە كەيىن قوسىمشا مىنا دارىلەر جەتكىزىلەدى: 840 مىڭ لوپيناۆير، ريتوناۆير تابلەتكالارى، 61 مىڭ گيدروكسيد ءحلوريدى، 11 مىڭ فلاكون رەمدەسيۆير. 15 تامىزعا دەيىن اتالعان دارىلەردىڭ كولەمى قوسىمشا 440 مىڭعا دەيىن جەتكىزىلەدى»، – دەدى ەرالى توعجانوۆ ورتالىق كوممۋنيكاتسيالار قىزمەتىندەگى بريفينگتە.

بۇل رەتتە ۇكىمەت باسشىسىنىڭ ورىنباسارى بارلىق پاتسيەنتتەرگە ۆيرۋسقا قارسى تەراپيا تاعايىنداۋ قاجەت ەمەستىگىن ەرەكشە اتاپ ءوتتى.

«ول ۆيرۋستىڭ ورتاشا اۋىر جانە اۋىر تۇرىمەن اۋىرعاندارعا عانا تاعايىندالادى. بۇگىنگى تاڭدا مىندەتتى الەۋمەتتى مەديتسينالىق ساقتاندىرۋ اياسىندا تەگىن ءدارى-دارمەك پرەپاراتتارىنىڭ تىزبەسى بار. وعان جرۆي جانە اۋرۋحانادان تىس وكپە قابىنۋى كىرەدى. بۇل پرەپاراتتاردىڭ تىزىمىنە انتيبيوتيكتەر، قىزۋدى تومەندەتەتىن دارىلەر كىرەدى. ولاردى ەمحانادا قۇرىلعان ءموبيلدى توپتار تەگىن جەتكىزۋى ءتيىس»، – دەدى ول.

سوڭعى جاڭالىقتار