5 شىلدە, 11:57 690 0 جاڭالىقتار اسىل تۇمار

بەلگىلى سپورت ءجۋرناليسى دياس وماروۆ دۇنيە سالدى

بۇگىن تاڭەرتەڭ قازاقستاندىق تانىمال سپورت ءجۋرناليسى جانە كوممەنتاتور دياس وماروۆ ومىردەن وزدى.

دياس وماروۆ 1940 جىلدىڭ 20 قازانىندا دۇنيەگە كەلگەن. قازىرگى ءال-فارابي اتىنداعى قازاق ۇلتتىق ۋنيۆەرسيتەتى فيلولوگيا فاكۋلتەتىنىڭ جۋرناليستيكا بولىمشەسىندە ءبىلىم العان. 1966 جىلدان قازتەلەراديونىڭ سپورت كومەنتاتورى بولعان. ال 1998 جىلدان «حابار» تەلەارناسىندا سپورت كوممەنتاتورى رەتىندە جۇمىس ىستەگەن.

«دياس اعانىڭ ومىردەن وزعاندىعى تۋرالى قايعىلى حابار توسىننان بولدى. ويتكەنى، جاسى بىرازعا كەلگەنىنە قاراماستان ول سالاۋاتتى ءومىر سالتىن ۇستانىپ، اپتاسىنا بىرنەشە رەت كوپتەگەن دوستارىمەن باس قوسىپ، سۇيىكتى فۋتبولىندا دوپ قۋالايتىن ەدى. №1 سپورتتىڭ كوپتەگەن جانكۇيەرلەرى ونى فۋتبولدىڭ ارقاسىندا ءبىلدى. دياس وماروۆتىڭ اكەسى – كورنەكتى مەملەكەت جانە قوعام قايراتكەرى، سوعىس جىلدارىندا ەڭ جاس ساۋدا حالىق كوميسسارى، كەيىنەن قازاقستان كومپارتياسى ورتالىق كوميتەتىنىڭ حاتشىسى جانە مادەنيەت ءمينيسترى بولعان، اشقۇرساق بالالىق شاقتى باستان كەشىرگەن ءىلياس وماروۆ بالالارىنىڭ شىمىر بولىپ وسكەندىگىن قالاپ، ۇلكەن ۇلىن فۋتبولعا الىپ كەلگەن ەكەن»، – دەپ ەسكە الادى قازاقستاننىڭ سپورت ءباسپاسوز قىزمەتى قاۋىمداستىعىنىڭ پرەزيدەنتى ءىلياس وماروۆ.

سوڭعى جاڭالىقتار