7 شىلدە, 17:45 464 0 سىرتقى ساياسات باقىتبەك قادىر

موڭعوليا پرەزيدەنتى ەلباسىن مەرەيتويىمەن قۇتتىقتادى

موڭعوليا پرەزيدەنتى ح.باتتۋلگا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىشۇلى نازارباەۆتى 80 جىلدىق مەرەيتويىمەن قۇتتىقتادى.
قۇتتىقتاۋ حاتتا "قۇرمەتتى نۇرسۇلتان ءابىشۇلى، ءسىزدى 80 جاسقا تولۋ مەرەيلى تويىڭىزبەن شىن جۇرەكتەن قۇتتىقتايمىن!
اسا قۇرمەتتى، نۇرسۇلتان ءابىشۇلى، ءسىزدىڭ كورەگەن كوشباسشىلىعىڭىزدىڭ ارقاسىندا تاۋەلسىزدىككە قول جەتكىزگەن قازاق ەلى بۇگىندە گۇلدەنىپ، حالىقارالىق بەدەلى نىعايا تۇسكەن مەملەكەتتىڭ ءبىرى بولۋىنا قۋانىشتىمىن.
ءبىزدىڭ كيىز تۋىرلىقتى حالىقتارىمىزدىڭ تاريحي قارىم-قاتىناستارىن كەڭەيتۋ جولىنداعى ءسىزدىڭ قوسقان ۇلەسىڭىز بەن كۇش-جىگەرىڭىزدى ەرەكشە اتاپ وتكىم كەلەدى.
موڭعوليا مەن قازاقستاننىڭ دوستىق قارىم-قاتىناسى مەن ىنتىماقتاستىعى ودان ءارى قاراي نىعايا تۇسەتىنىنە كامىل سەنەمىن", - دەلىنگەن.
سونداي-اق،  موڭعوليا پرەزيدەنتى حالتمااگين باتتۋلگا [قالتىماگين باتتۇلعا] قۇتتىقتاۋ حات جولداي وتىرىپ، "قۇرمەتتى نۇرسۇلتان ءابىشۇلى، سىزگە زور دەنساۋلىق، باياندى باقىتقا تولى ۇزاق عۇمىر كەشۋىڭىزگە جانە قىزمەتىڭىزگە ساتتىلىك تىلەيمىن", - دەدى.
سونىمەن قاتار، موڭعوليانىڭ III پرەزيدەنتى ن.ەنحبايار تۇڭعىش پرەزيدەنت  نۇرسۇلتان نازارباەۆتى 80 جىلدىق مەرەيتويى جانە ەلوردا كۇنىنمەن قۇتتىقتاپ، ارنايى حات جولدادى.
(قازاقستان تۇڭعىش پرەزيدەنتى – ەلباسى نۇرسۇلتان ءابىشۇلى نازارباەۆ جانە )
ەكس-پرەزيدەنت ن.ەنحبايار مىرزا جولدعان حاتىندا موڭعوليا مەن قازاقستان اراسىنداعى بۇرىنان كەلە جاتقان دوستىق قارىم-قاتىناستى تىلگە تيەك ەتە وتىرىپ، ەلباسى ن.نازارباەۆتى 80 جىلدىق مەرەيتويى جانە ەلوردا كۇنىمەن قۇتتىقتادى.
(موڭعوليانىڭ III پرەزيدەنتى ن.ەنحبايار مىرزانىڭ قۇتتىقتاۋ حاتىنىڭ ورىسشا نۇسقاسى)

سوڭعى جاڭالىقتار