4 شىلدە, 15:26 519 0 جاڭالىقتار اسىل تۇمار

«تاۋەلسىزدىكتىڭ 7 قىرى» دەرەكتى فيلمدەر توپتاماسى جارىق كوردى

اSTANA تەلەارناسى ەلوردا كۇنىنە وراي «تاۋەلسىزدىكتىڭ جەتى قىرى» دەرەكتى فيلمدەر توپتاماسىن دايىندادى.

تۇڭعىش پرەزيدەنت – نۇرسۇلتان ءابىشۇلى نازارباەۆتىڭ 2019 جىلى ماۋسىمدا وتكەن «كەمەڭگەرلىكتىڭ 30 جىلى» حالىقارالىق كونفەرەنتسياسىندا ايتقان 7 باستاماسى تۋىندىنىڭ نەگىزگى وزەگى رەتىندە تاڭدالىندى. ەل ءوز تاۋەلسىزدىگىنىڭ باسىندا ناق وسى سىن-قاتەرلەرگە تاپ بولدى. ال ولاردى ەڭسەرۋ ەگەمەن قازاقستاننىڭ دامۋ جولىنىڭ بىرەگەيلىگىن انىقتادى.

بارلىعى 7 فيلم دايىندالدى. ولاردىڭ ارقايسىسى بەلگىلى ءبىر تاقىرىپقا ارنالعان. اتاپ ايتقاندا, ەكونوميكا, ينتەگراتسيالىق ۇدەرىستەر, ۇلتارالىق كەلىسىم, انتيادرولىق باستامالار, جاڭا استانا, ترانزيتتىك الەۋەت, وتانداستاردىڭ وتانىنا ورالۋى.

فيلمدەردىڭ مازمۇنى بەدەلدى سپيكەرلەردىڭ – بەلگىلى مەملەكەت, قوعام قايراتكەرلەرىنىڭ, ەلباسىنىڭ ەلدىڭ دامۋى بويىنشا كۇردەلى ساياسي شەشىمدەر قابىلداۋىنىڭ كۋاگەرلەرىنىڭ ەستەلىكتەرى مەن تۇسىنىكتەمەلەرىمەن قۇرىلعان. سونداي-اق مۇندا تاريحشىلاردىڭ, ساياساتتانۋشىلاردىڭ, ەكونوميستەردىڭ سۇحباتى قامتىلعان. ولاردىڭ اڭگىمەلەرءى ءتيىستى فوتو-بەينە ماتەريالدارمەن (مۇراعاتتىق جانە زاماناۋي) سۇيەمەلدەنەدى.

توپتامانىڭ مازمۇنى:

ءى ءبولىم. «ءبىر ەل, ءبىر تاعدىر»

فيلم وزگە ەلدەر ءۇشىن بەيبىتشىلىك پەن تۇراقتىلىقتى ساقتاۋدىڭ ۇلگىسى بولعان ەتنوسارالىق بىرلىك پەن كونفەسسياارالىق كەلىسىمنىڭ بىرەگەي قازاقستاندىق ۇلگىسىن سيپاتتايدى. سونىڭ ىشىندە قازاقستان حالقى اسسامبلەياسىن قۇرۋ جۇمىسىنا ەرەكشە كوڭىل ءبولىنگەن.

ءىى ءبولىم. «سىن ساعات»

فيلمدە جاس ەلدىڭ نارىقتىق ەكنوميكادا ءوزىن قالىپتاستىرۋ جولىنداعى «تار جول, تايعاق كەشۋىن» سيپاتتايدى. قابىلدانعان شەشىمدەر مەن رەفورمالاردىڭ كۇردەلىلىگىنە قاراماستان, قازاقستاننىڭ قىسقا مەرزىمدە تمد كەڭىستىگىندە كوشباسشىسى, ەكونوميكالىق تۇرعىدان دامىعان مەملەكەتكە اينالعانىن ايقىنداپ كورسەتەدى.

III ءبولىم. «پاراساتتى شەشىم»

فيلم ەلباسىنىڭ الەمدەگى ءتورتىنشى يادرولىق ارسەنالدان باس تارتۋ جانە كسرو يادرولىق قارۋىنىڭ 2/3 سىناعى وتكىزىلگەن سەمەي پوليگونىن جابۋ تۋرالى تاريحي شەشىمى تۋرالى باياندايدى. سونداي-اق, فيلمدە ارال تەڭىزىن جاڭعىرتۋ جۇمىستارى تۋرالى كورسەتىلەدى.

IV ءبولىم. «ۇيىمداسقان ۇتادى»

فيلم ايماقتىق قاۋىپسىزدىك جانە شەكارانى دەليميتاتسيالاۋ ماسەلەلەرىنە ارنالعان. كارتينا قازاقستاننىڭ تمد ەلدەرىنىڭ ىشىندە ءبىرىنشى بولىپ مەملەكەتتىك شەكارالاردى دەليميتاتسيالاۋ مەن دەماركاتسيالاۋدى جۇزەگە اسىرعانىن, اوسشك, ۇقشۇ, ەقىۇ ينتەگراتسيالىق بىرلەستىكتەر شەڭبەرىندە وڭىرلىك قاۋىپسىزدىك جۇيەسىن قۇرۋ جونىندەگى جۇمىستى باستاعانىن كورسەتەدى. وسى كەزدە ن. ءا. نازارباەۆتىڭ ەاەو قۇرۋ جونىندەگى يدەياسىن جۇزەگە اسىرۋعا ەرەكشە كوڭىل ءبولىنەءدى.

V-ءبولىم. «جاڭعىرۋ جولى»

رەسپۋبليكانىڭ حالىقارالىق ترانزيتتىك الەۋەتىن كەڭەيتۋ, "نۇرلى جول" باعدارلاماسىن ىسكە اسىرۋ تۋرالى.

VI ءبولىم. «ەلدىكتىڭ باستاۋى»

فيلم ەلباسىنىڭ دەموگرافيالىق ماسەلەلەردى شەشۋ, ەتنيكالىق قازاقتاردى تاريحي وتانىنا قايتارۋ, قازاق تىلىنە مەملەكەتتىك مارتەبە بەرۋ, قازاق تىلىندە ءبىلىم بەرەتىن ءبىلىم بەرۋ مەكەمەلەرىنىڭ اشىلۋى تۋرالى باياندايدى.

VII ءبولىم. «وزگەرىستى ءسات»

فيلم قازاقستاننىڭ ەكونوميكادا, قۇرىلىس سەكتورىندا, ىشكى كوشى-قوندا كوپتەگەن مۋلتيپليكاتيۆتىك ۇدەرىستەردى ىسكە قوسقان جاڭا جاس استانانىڭ قۇرىلىسىن قالاي باستاعانىن كورسەتەدى. نۇر-سۇلتان - جاڭا ەلوردامىزدا ورنىن ايقىنداپ, مانسابىن سالعان جۇزدەگەن مىڭ جاس قازاقستاندىقتار ءۇشىن تارتىلىس ورتالىعىنا اينالدى.

بارلىق فيلمدەردە جۇرگىزىلىپ جاتقان رەفورمالارداعى ەلباسىنىڭ نەگىزگى ءرولىن اشۋعا, بۇرىن بەلگىسىز فاكتىلەردى جاريا ەتۋگە جانە ولاردى ءىس جۇزىندە ىسكە اسىرۋدى, ەگجەي-تەگجەيىن اشۋعا ەرەكشە نازار اۋدارىلدى.

توپتاما اSTANA تەلەارناسىنىڭ ەفيرىندە كۇن سايىن 3-6 شىلدە ارالىعىندا ساعات 20:00 جانە 20:45-تە كورسەتىلەدى. الداعى ۋاقىتتا بارلىق بولىمدەر اSTANA تەلەارناسىنىڭ youtube-ارناسىنا ورنالاستىرىلادى جانە الەۋمەتتىك جەلىلەردە تاراتىلادى.

سوڭعى جاڭالىقتار