4 شىلدە, 09:45 732 0 جاڭالىقتار اسىل تۇمار

بەلگىلى عالىم رابيعا سىزدىق 96 جاسىندا دۇنيە سالدى

قر ۇعا اكادەميگى، فيلولوگيا عىلىمدارىنىڭ دوكتورى، پروفەسسور رابيعا سىزدىق 96 جاسىندا دۇنيەدەن وزدى. بۇل تۋرالى ا. بايتۇرسىنۇلى اتىنداعى ءتىل ءبىلىمى ينستيتۋتى مالىمدەدى.

«بۇگىن تۇندە قازاق ءتىل ءبىلىمىنىڭ ابىز اناسى، فيلولوگيا عىلىمدارىنىڭ دوكتورى، پروفەسسور، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى رابيعا ساتىعاليقىزى سىزدىق دۇنيەدەن ءوتتى. ا. بايتۇرسىنۇلى اتىنداعى ءتىل ءبىلىمى ينستيتۋتى رابيعا ساتىعاليقىزى وتباسىنىڭ قايعىسىنا ورتاقتاسىپ كوڭىل ايتادى»، – دەپ حابارلادى ينستيتۋت Facebook جەلىسىندە.

رابيعا ساتىعاليقىزى سىزدىق – فيلولوگيا عىلىمدارىنىڭ دوكتورى، پروفەسسور، تۇرىك ءتىل قوعامىنىڭ كوررەسپوندەنت-مۇشەسى، قازاق سسر-ءنىڭ ەڭبەك سىڭىرگەن عىلىم قايراتكەرى، قر مەملەكەتتىك سىيلىعىنىڭ لاۋرەاتى، قر عا-نىڭ شوقان ءۋاليحانوۆ اتىنداعى سىيلىعىنىڭ، ءى دارەجەلى «بارىس» وردەنىنىڭ يەگەرى.

ول 1924 جىلى 17 تامىزدا اقتوبە وبلىسى، ويىل قالاشىعىندا تۋعان.

كورنەكتى عالىم 1971 جىلى «قۇرمەت بەلگىسى» وردەنىنىڭ يەگەرى اتاندى. 1984 جىلى قازاق سسر-ءىنىڭ ەڭبەك سىڭىرگەن عىلىم قايراتكەرى قۇرمەتتى اتاعى بەرىلدى، ونىڭ ەسىمى قازاق سسر-ءىنىڭ «قۇرمەتتى التىن كىتابىنا» جازىلدى (1981), شوقان ءۋاليحانوۆ اتىنداعى سىيلىقتىڭ (1995), قر مەملەكەتتىك سىيلىقتىڭ (1996) لاۋرەاتى اتاندى. 1945 جىلى «1941-1945 جىلدارداعى ۇلى وتان سوعىسى كەزىندەگى ەڭبەكتەگى ەرلىگى ءۇشىن» مەدالىمەن ناگرادتالدى. 2004 جىلى «پاراسات» وردەنىمەن ماراپاتتالدى. ال 2019 جىلدىڭ 29 تامىزىندا ر. سىزدىق قر پرەزيدەنتى قاسىم-جومارت توقاەۆتىڭ جارلىعىمەن ءى دارەجەلى «بارىس» وردەنىمەن ماراپاتتالعان ەدى.

سوڭعى جاڭالىقتار